Два беларускія тэнісісты не могуць вылецець з ААЭ. Эвакуацыю прапануюць за 5 тысяч еўра
У Аб’яднаных Арабскіх Эміратах адмененыя два турніры з прызавым фондам 63 000 даляраў, сярод удзельнікаў якіх былі беларусы Данііл Астапенкаў і Ілля Івашка. Спаборніцтвы павінны былі прайсці ў Фуджэйры.
Фота: IFP.com
Абодва беларусы не змаглі згуляць свае матчы ў аўторак, 3 сакавіка, бо над кортамі раздаліся гукі выбухаў. У выніку арганізатары прынялі рашэнне цалкам адменіць абодва турніры.
На гэтую навіну на сваёй старонцы ў Instagram адрэагаваў былы першы ракетка Беларусі Ілля Івашка. Ён прывёў змест ліста, разасланага ATP удзельнікам спаборніцтваў у ААЭ. Паводле яго, ATP прапануе тэнісістам эвакуацыю ў Мілан на чартары са спыненнем у Егіпце. Пры гэтым за месца ў самалёце спатрэбіцца заплаціць 5000 еўра.
«Няма слоў», — кажа Ілля.
Каментары
Не, дурням там як мёдам намазалі. Чаго цяпер галасіць? ;)