Міністр замежных спраў Беларусі Максім Рыжанкоў абмеркаваў у Гане падрыхтоўку будучага візіту прэзідэнта гэтай краіны Джона Драмані Махамы ў Беларусь. Перамовы ён правёў са сваім ганскім калегам Самуэлем Акудзета Аблаквам, паведамляе прэс-служба МЗС.
За дзень да таго Рыжанкоў перадаў Махаме запрашэнне ад Аляксандра Лукашэнкі наведаць Беларусь. Прэзідэнт Ганы прыняў запрашэнне і прапанаваў узгадніць даты візіту праз дыпламатычныя каналы. Ён таксама перадаў у адказ добрыя зычэнні Лукашэнку і згадаў пра сваю неафіцыйную паездку ў Беларусь у 2024 годзе.
Бакі абмеркавалі праграму візіту і пералік міжнародных дакументаў, якія плануецца падпісаць. Сярод іх — пагадненні пра бязвізавыя паездкі з дыпламатычнымі і службовымі пашпартамі, супрацоўніцтва ў сферы сельскай гаспадаркі, экспартныя крэдыты, стварэнне міжурадавай камісіі па гандлёва-эканамічным супрацоўніцтве, а таксама іншыя дамоўленасці.
Пацверджаны намер развіваць супрацоўніцтва ў палітычнай сферы, сельскай гаспадарцы, барацьбе з тэрарызмам і адукацыйных праграмах. Абмяркоўвалася таксама правядзенне ў Мінску бізнэс– і інвестыцыйнага форуму з удзелам прадстаўнікоў дзелавых колаў дзвюх краін.
Каментары
[Зрэдагавана]