Rasijanie raźmiali hateli ŭ Minsku na majskija, arendnyja kvatery stali pa łondanskich cenach. Kali jość svaja — možacie dobra zarabić
Servisy pa padbory hatelnych numaroŭ u Minsku vydajuć «na vašy daty ničoha niama», kali pasprabavać pašukać sabie pakoj z 30 krasavika da 4 maja. Heta dni, kali rasijanie hulajuć. Prostaja łahistyka ŭ bok Biełarusi i adsutnaść čerhaŭ zrabili Minsk turystyčnym chitom. Na rynku zastalisia ličanyja kvatery ŭ arendu, za adnuški prosiać bolš za 3000 rubloŭ.
Znajści numary ŭ prystojnych hatelach užo niemahčyma. Na ŭvieś Minsk, zhodna z servisam «Astravok», na 30 krasavika — 4 maja zastałosia paru pakojaŭ u hest-chaŭsach.
I amal nie zastałosia arendnych kvater. Na rasijskich ahrehatarach ich vobmal, i tam užo nadta zavyšanyja ceny z raźlikam na tych, chto nie ličyć hrošy, abo na tych, chto nie raźbirajecca ŭ cenach. Niejkija razumniki sprabujuć zdać trochpakajoŭku za 7000 biełaruskich rubloŭ.
Ujaŭleńnie ab rynkavych cenach na hetyja daty daje Kufar. Tam samy tanny varyjant na čatyry nočy ŭ Minsku — 1200 rubloŭ. Ale heta jašče humanna i taki varyjant usiaho adzin.
Astatnija ceny ŭ rajonie 2000 rubloŭ za ardynarnuju adnapakajoŭku ŭ zonie ščylnaj zabudovy na krai horada.
Ale nie zusim jasna, ci ŭdasca realna źniać kvatery za 1500-2000 biełaruskich rubloŭ, tamu što heta sastarełyja abviestki. Mahčyma, jany ŭžo zareziervavanyja, abo z haspadarami nie atrymajecca zhandlavacca pa takoj «nizkaj» canie.
Siońnia, naprykład, adnušku na Malinaŭcy vystaŭlali ŭžo pa canie 3150 rubloŭ za 4 nočy — heta 210 jeŭra za sutki. Za takija hrošy možna źniać prystojnyja apartamienty ŭ adnosnym centry Łondana.
Inšyja vystaŭlenyja siońnia abviestki prapanujuć prykładna taki ž paradak cen.
Ciapier čytajuć
U biełarusaŭ Polščy byli pryčyny nie hałasavać za Tšaskoŭskaha30
Kamientary