Маркетплейс Wildberries пашырае геаграфію сэрвісу кур’ерскай дастаўкі з ПВЗ ва ўсе абласныя цэнтры Беларусі.
Пра гэта расказалі прадстаўнікі кампаніі Office Life. Кліенты маркетплейса змогуць аформіць паслугу «Кур’ер экспрэс» не толькі ў Мінску, але і ў Брэсце, Віцебску, Гомелі, Гродне і Магілёве.
Як удакладнілі ў кампаніі, атрымаць тавар з пункта выдачы заказаў проста дадому можна цягам дзвюх гадзін з моманту замовы. Акрамя таго, функцыя цяпер даступная не толькі на сайце, але і ў мабільным дадатку. Як толькі заказ паступае ў ПВЗ, у кліента з’яўляецца спецыяльная кнопка выкліку кур’ера. У выніку заказ бясплатна будзе дастаўлены цягам двух гадзін з моманту выкліку кур’ера або ў выбраны часавы інтэрвал.
У кампаніі анансавалі, што працягваюць працаваць над пашырэннем кур’ерскай сеткі і развіццём лагістычных рашэнняў. З цягам часу агульны ахоп кур’ерскай дастаўкі ў Беларусі перавысіць 260 гарадоў.
Цяпер чытаюць
Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця25
Каментары