Журы разгледзела ўсе пададзеныя заяўкі і сфармавала поўны спіс кніг, намінаваных на паэтычную прэмію імя Наталлі Арсенневай за 2024 год, паведамляе Bellit.info.
У поўны спіс прэміі ўвайшлі 15 кніг:
1. «Вершы для храмаў, сіза, ічу» — Раман Абрамчук (выдавецтва «hochroth Minsk»);
2. «Момант цішыні» — Надзея Амельчанка (зашыфраваны ўдзел, сапраўдныя звесткі пра кнігу і аўтарства не абвяшчаюцца публічна);
3. «Амаль» — Вера Бурлак (выдавецтва «hochroth Minsk»);
4. «Пад асобнымі коўдрамі» — Вольга Гапеева (выдавецтва «Skaryna Press»);
5. «Некуды» — Яраслаў Гаралюк (зашыфраваны ўдзел, сапраўдныя звесткі пра кнігу і аўтарства не абвяшчаюцца публічна);
6. «Аранжавы» — Віктар Жыбуль (выдавецтва «hochroth Minsk»);
7. «Непрамо(ў)ленае» — Анатоль Івашчанка (выдавецтва «Skaryna Press»);
8. «Акрамя» — Павел Капанскі (без выдавецтва);
9. «Ілюзія» — Дзяніс Мацеша (выдавецтва «Энцыклапедыкс»);
10. «Без Айчыны. Кніга турмы і замежжа» — Уладзімір Някляеў (выдавецтва Калегіума Усходняй Еўропы);
11. «Гіброіды» — Сяргей Прылуцкі (выдавецтва «Мяне няма»);
12. «Нічога нястрашнага» — Сяргей Прылуцкі (выдавецтва «hochroth Minsk»);
13. «DOM. Паэзія выгнання» — Сяржук Сыс (выдавецтва «Skaryna Press»);
14. «Мужыкі» — Ганя Фак’ю (выдавецтва «Лысы Чэрап»);
15. «Дзікае паляваньне караля Стаха: Вершы да опэры» — Андрэй Хадановіч (выдавецтва «Gutenberg Publisher»).
Лідарам паводле колькасці намінантаў стала выдавецтва Дзмітрыя Строцава «hochroth Minsk» — чатыры кнігі. Тры паэтычныя зборнікі са спісу былі выдадзеныя выдавецтвам «Skaryna Press».
Згодна са статутам прэміі, намінанты маюць права дзеля бяспекі захаваць ананімнасць і абраць зашыфраваны ўдзел. У такім выпадку іх імёны застаюцца пад псеўданімамі, не абвяшчаюцца і назвы твораў. Прозвішчы будуць абвешчаныя толькі пасля таго, як гэта стане бяспечна для аўтараў.
Сёлета ў журы прэміі — пяцёра майстраў: паэты і паэткі, літаратуразнаўцы, уважлівыя чытачы і чытачкі, якія па-сапраўднаму любяць і разумеюць паэзію. Менавіта яны вызначаць галоўную інтрыгу прэміі — абяруць паэтычную кнігу года. Сярод публічных сябраў журы — асобы, чые імёны добра вядомыя ў літаратурнай прасторы:
Ульяна Верына — літаратуразнаўца, доктарка філалагічных навук.
Сяргей Дубавец — пісьменнік, рэдактар, літаратуразнаўца, крытык.
Ганна Шакель — паэтка і перакладчыца, рэдактарка часопіса «Taŭbin», лаўрэатка прэміі імя Наталлі Арсенневай за 2023 год.
Нямецкі перакладчык атрымаў Ляйпцыгскую кніжную прэмію за працу з беларускім творам
«Паспрабую крыху суцешыць вас тым, што ўсе мы шчаслівыя людзі». Андрэй Скурко атрымаў прэмію імя Льва Сапегі
Стартаваў прыём заявак на чарговую прэмію Гедройця
Альгерд Бахарэвіч атрымаў Ляйпцыгскую кніжную прэмію еўрапейскага паразумення
Цяпер чытаюць
Праз дзевяць месяцаў пасля вызвалення памёр палітвязень Валерый Богдан7
Каментары