Стартавала анлайн-апытанне беларусаў наконт эканомікі і жыцця, анансаванае прэм'ерам Турчыным
Паўдзельнічаць можна кожны ахвотны, рэгістрацыя не патрэбная.
У Беларусі пачалося сацыялагічнае даследаванне, якое раней анансаваў прэм’ер-міністр Аляксандр Турчын. Яно будзе праходзіць да 21 красавіка.
Яно будзе ўключаць розныя метады, у тым ліку апытанне на партале Меркаванне.бел, якое праводзіцца да 16 красавіка. У ім змогуць узяць удзел усе ахвотныя. Беларусам замежжа паўдзельнічаць складаней, магчыма, давядзецца шукаць беларускі IP-адрас.
Адказы на апытанне займаюць каля 10-15 хвілін. У большасць пытанняў трэба абраць адзін альбо некалькі адказы з прапанаваных варыянтаў, аднак ёсць і адкрытыя пытанні.
Палітычныя тэмы ў даследаванні не ўздымаюцца, але заўвагі наконт шкоды краіне ад дыктатуры можна дадаваць у адказах на адкрытыя пытанні.
Неўзабаве пасля свайго прызначэння Аляксандр Турчын заявіў, што для фарміравання праграмы сацыяльна-эканамічнага развіцця на 2025—2030 гады хоча правесці сацыялагічнае даследаванне, «каб разумець запыт грамадства, што яно хоча бачыць ад дзяржавы ў наступнай пяцігодцы».
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе11
Каментары
После 2020 года, в госопросах - ЛОЖЬ, ВРАНЬЁ, ПОДХАЛИМАЖ лукашенко и для лукашенко.