Намеснік міністра пахваліўся, што дронамі яшчэ не быў разбураны ніводзін дом.
Намеснік міністра ўнутраных спраў — камандуючы ўнутранымі войскамі Мікалай Карпянкоў падчас сустрэчы з журналістамі, прымеркаванай да Дня ўнутраных войскаў, распавёў, як спецпадраздзяленні ўнутраных войскаў абараняюць краіну ад беспілотнікаў, піша БелТА.
«Асабліва важныя аб’екты на дадзены момант прыкрыты сродкамі СПА. Мы набылі магутныя сродкі РЭБ. У нас ёсць сур’ёзныя машыны, якія ствараюць над намі купал бяспекі. Кожная група нашых спецпадраздзяленняў мае сродкі выяўлення і абароны ад розных відаў дронаў. Мы рухаемся ў гэтым напрамку і будзем набываць новую тэхніку, каб трымаць неба пад кантролем. Да гэтага пытання сур’ёзную ўвагу надае Лукашэнка», — заявіў камандуючы ўнутранымі войскамі МУС.
Ён таксама адзначыў, што дроны часам падаюць на тэрыторыі Беларусі.
«Гэта наступствы таго, што адбываецца на нашым паўднёвым памежжы. Задача па абясшкоджванні ўпалых дронаў стаіць перад нашымі спецыяльнымі падраздзяленнямі па размінаванні. (…). Не быў разбураны ніводзін дом. Мы імкнёмся максімальна бяспечна размінаваць дроны», — дадаў Мікалай Карпянкоў.
-
«А Лукашэнка не ў курсе, адкуль быў напад на гэту асфальтаваную дарогу?» У вёсцы правялі велапрабег — але ўся ўвага дасталася дарозе
-
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі
-
Мінчукі ў чаце паскардзіліся на працу паліклінікі. Прапаганда абвінаваціла ў чэргах саміх наведвальнікаў
Каментары