Пагрозы акружэння ўкраінскіх сілаў у Курскай вобласці пакуль няма — Сырскі
Галоўнакамандуючы Узброенымі сіламі Украіны Аляксандр Сырскі паведаміў, што пагрозы акружэння ўкраінскіх падраздзяленняў на тэрыторыі расійскай Курскай вобласці на гэты момант няма, а цяпер прынята рашэнне аб узмацненні там украінскай прысутнасці.
«Шэрагу населеных пунктаў на лініі мяжы, назвы якіх фігуруюць у рэляцыях расійскіх прапагандыстаў, ужо фактычна не існуе — яны разбураныя агнявым уздзеяннем агрэсара.
Нягледзячы на прыцягненне да наступальных дзеянняў значнай колькасці расійскіх войскаў, узмоцненых паўночнакарэйскай пяхотай, вораг нясе значныя страты ў жывой сіле і тэхніцы.
Толькі ў раёне Плёхава за чатыры дні баёў вораг страціў фактычна батальён пяхоты», — гаворыцца ў паведамленні Аляксандра Сырскага.
Сырскі адзначыў, што на месцы ён прыняў рашэнне аб узмацненні ўкраінскай групоўкі неабходнымі сіламі і сродкамі, у прыватнасці сродкамі РЭБ і беспілотнікамі.
«Цяпер пагрозы акружэння нашых падраздзяленняў у Курскай вобласці няма. Падраздзяленні ажыццяўляюць своечасовыя мерапрыемствы па манеўры на выгадныя рубяжы абароны», — падсумаваў галоўнакамандуючы УСУ.
У нядзелю афіцыйныя расійскія крыніцы заявілі, што армія Расіі ўзяла пад кантроль яшчэ тры населеныя пункты ў Курскай вобласці, якія раней былі захопленыя ўкраінскімі вайскоўцамі. Напярэдадні Генштаб УСУ ўслед за ваеннымі блогерамі і ўкраінскімі СМІ паведаміў аб правальнай спробе расійскіх штурмавых груп увайсці ў горад Суджа па газаправодзе.
Прасоўванне расійскіх вайскоўцаў ва Украіне практычна спынілася
«Трапілі пад няхілую раздачу». Што цяпер адбываецца ў Курскай вобласці?
«Самая вялікая праблема — маральны дух». Украінскія вайскоўцы ўжо адчулі адсутнасць амерыканскіх разведданых
«Ці адкажуць за тых, хто задыхнуўся?» Расійскія ваенкары пішуць аб правале штурму Суджы праз газаправод
«Сітуацыю змянілі вайскоўцы з КНДР». Што цяпер адбываецца ў Курскай вобласці
УСУ паведамляюць пра знішчэнне «вялікай групы дыверсантаў» у тунэлі
Расійскія войскі пачалі штурм Суджы
Каментары
с одной стороны хорошо.
но с другой вся шайка орков на том направлении пойдут штурмовать в сторону Сум.как и задумывалось ими еще в прошлом году.