Узброеныя сілы Расіі выйшлі на адміністрацыйныя межы Суджы ў Курскай вобласці і пачалі штурм. У горадзе ідуць баі — унутры знаходзіцца каля 2000 байцоў УСУ, многія з іх цяжкапараненыя, паведамляюць расійскія СМІ.
Расійскія байцы ўвайшлі ў Суджу (па адміністрацыйных межах) з боку Курылаўкі, якую раней узялі марпехі з 810-й брыгады. Украінцы ўтрымлівалі Суджу з пачатку жніўня.
Штурм пачаўся сёння раніцай. У гарадскіх баях удзельнічаюць група «Аіда», 30-ты мотастралковы полк, 11-я брыгада Паветрана-дэсантных войскаў і добраахвотніцкае фарміраванне «Ветэраны». Іншыя часткі фарміруюць «кацёл».
Паводле расійскіх вайскоўцаў, у Суджы ў акружэнні знаходзіцца каля 2000 байцоў УСУ. У горадзе раней жыло ўсяго 4—5 тысяч чалавек. Па даных The Times, у Суджанскім раёне знаходзіцца да 10 тысяч украінскіх вайскоўцаў.
Агулам у акружэнні, паводле ўкраінскіх маніторынгавых агенцтваў, можа знаходзіцца каля 6300 байцоў.
Паводле інфармацыі Mash, расійскія сілы таксама пачалі зачыстку Малой Локні, дзе заселі салдаты 95-й дэсантна-штурмавой брыгады УСУ, а таксама Басоўкі. Ёсць прасоўванне з боку Лебядоўкі. Расіяне рухаюцца ў бок Казачай Локні.
Мінабароны РФ паведаміла раней аб узяцці населеных пунктаў Віктараўка, Мікалаеўка і Старая Сарочына ў Курскай вобласці.
-
У Пакістане здзейснілі тэракт у мячэці, загінулі больш за 30 чалавек
-
Генерал Аляксееў, у якога сёння стралялі ў Маскве, датычны да катавання абаронцаў «Азоўсталі». Пракапенка: Справу давядзём да канца
-
У Пецярбургу прафесара арыштавалі па абвінавачванні ў дзяржздрадзе, бо публікацыі магла чытаць нарвежская разведка
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні40
Каментары
Відаць перакінулі рэзервы ў іншае месца
З Беларуссю цалкам тое самае. Чхала Еўропа на нас. Яны лічаць толькі грошы і паважаюць толькі моц. Таму будуць дамаўляцца нават з фашыстоўцамі, як гэта было ў гісторыі кожны раз.
перад суджай яшчэ пару весак было
і пра іх ніякіх навін не паступала.
гэта можа тэлеграм-прарыў.
былі ўжо такія