Ім стаў вядомы ў ААЭ банкаўскі спецыяліст і аўдытар.
Нагадаем, у канцы лістапада мінулага года аўстрыйскі Raiffeisen Bank International завяршыў здзелку па продажы Прыёрбанка малавядомай кампаніі Soven 1 Holding з ААЭ. Каментуючы продаж, старшыня праўлення RBI Ёхан Штробль назваў гэта «важным крокам у імкненні знізіць рызыкі прысутнасці ва Усходняй Еўропе». У RBI ацэньвалі агульныя страты ад гэтай здзелкі ў 824 мільёны еўра, з якіх 311 мільёнаў — страты ад продажу актыву па цане ніжэй за балансавы кошт.
28 лютага ў Прыёрбанку прайшло пасяджэнне назіральнай рады з асабістым удзелам старшыні рады Хаміса Бухаруна Аль-Шамсі, паведаміла прэс-служба банка. Падчас сустрэчы ўдзельнікі «абмеркавалі бягучыя пытанні, звязаныя з дзейнасцю банка, яго кіраваннем і стратэгічным развіццём».
Хаміс Бухарун Аль-Шамсі нарадзіўся ў 1964 годзе. Ён паходзіць з сям’і Аль-Шамсі, адной з 10 самых уплывовых у ААЭ.
За яго плячыма 11 гадоў працы ў Цэнтральным банку ААЭ, дзе ён быў памочнікам дырэктара па ўнутраным аўдыце. Акрамя таго, 14 гадоў працаваў у Abu Dhabi Islamic Bank на розных кіруючых пасадах.
Зараз Хаміс Бухарун Аль-Шамсі з’яўляецца кіроўным дырэктарам кампаніі Royal Capital, якая аказвае інвестыцыйна-банкаўскія паслугі па кіраванні актывамі. Акрамя гэтага, ён уваходзіць у рады дырэктараў яшчэ шэрагу кампаній. Большасць гэтых бізнэсаў звязана з кіруючымі сем’ямі ў ААЭ.
Нягледзячы на змену ўласніка, склад праўлення Прыёрбанка не змяніўся.
Свае пазіцыі захавалі старшыня праўлення Вадзім Мацюшкін і яго намеснікі Уладзімір Дзядзюль, Андрэй Іванкевіч і Бернд Розенберг.
Цяпер чытаюць
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»32
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары