Напачатку лютага рыбак злавіў яшчэ аднаго вялікага сома — той важыў 36 кіло, піша Onliner.
«Яшчэ адзін малы», — напісаў удачлівы рыбак Канстанцін у сацсетках.
За месяц у яго атрымалася злавіць сомаў па 36 і 32 кіло. Гэтым разам рыба апынулася ў даўжыню амаль як сам мужчына.
Рыбалка праходзіла ў звычайным рэжыме: з сябрамі яны прыехалі да ракі, падрыхтавалі снасці і пачалі лавіць, піша Onliner. Месца апынулася зусім побач з тым, дзе быў злоўлены папярэдні сом. Некалькі паклёвак судака, надзеі на шчупака — нішто не прадвяшчала сустрэчы з гігантам.
«Пасля адной з падсечак у мяне з'явілася пачуццё, што я гэта ўжо дзесьці бачыў. Літаральна праз некалькі секунд стала ясна: гэта зноў сом, ды яшчэ і амаль такога ж памеру»? — распавёў рыбак.
Пасля фотасесіі рыбу адпусцілі назад у ваду.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве44
Каментары