На наступным тыдні ў Саудаўскую Аравію прыбудуць прадстаўнікі ЗША і Расіі, каб абмеркаваць будучую сустрэчу Трампа і Пуціна, паведамлялі раней заходнія СМІ.
«Пачалі працоўны візіт украінскай урадавай дэлегацыі ў Саудаўскую Аравію з сустрэчы з амаль сотняй мясцовых прадпрымальнікаў. Умацаванне нашых эканамічных сувязяў — гэта ўмацаванне нашых народаў, нашых рэгіёнаў і глабальнай бяспекі. (…)
У наступныя дні будуць дзясяткі сустрэч, каб падрыхтаваць візіт прэзідэнта Уладзіміра Зяленскага ў Саудаўскую Аравію. У прыватнасці, рыхтуем падпісанне важных эканамічных дагавораў з краінамі рэгіёну»,
— напісала ў фэйсбуку міністр фінансаў Украіны Юлія Свірыдзенка.
Расія і ЗША ўжо пацвердзілі, што адпраўляюць свае дэлегацыі.
Politico пісала, што дарадца прэзідэнта ЗША па нацыянальнай бяспецы Майк Уолтц, дзяржсакратар Марка Рубіа і спецпасланнік па Блізкім Усходзе Стыў Уіткаф у найбліжэйшыя дні адпраўляюцца ў Саудаўскую Аравію, каб пачаць мірныя перамовы з прадстаўнікамі Расіі.
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1414
Каментары