«Жэсць, яму 29 гадоў? Я думаў, што 45! Як можна так старэча выглядаць?» Што пішуць пра Азаронка падпісчыкі Сабчак
Інтэрв'ю Рыгора Азаронка на ютуб-канале Ксеніі Сабчак выклікала шквал эмоцый у расійскім інтэрнэце
Найбольш лайкаў набраў каментарый адносна знешняга выгляду прапагандыста:
«Жэсць, яму 29 гадоў? Я думаў, што 45. Як можна так старэча выглядаць?»
«Спачатку думаў, яму гадоў 45—48, пакуль не высветлілася, што яму 29. Мама дарагая….», «Валерый Лявонцьеў — 75 гадоў, Рыгор Азаронак — 29 гадоў», — чытаем у каментарыях.
«Так выглядаюць людзі ў 29 гадоў, калі дыхаюць злом»,
— заўважаў на гэта іншы глядач.
«Больш агіднага персанажа складана знайсці. Проста манера гаварыць, тое, што ён гаворыць, яго выгляд. Гэта проста трэш», — дзеліцца іншы.
У сваіх каментарыях людзі дзівяцца безапеляцыйнасці і нахабству Азаронка ў адмаўленні відавочных рэчаў:
«Подласць — гэта лад жыцця. Гэта яго, пэўна, дэвіз па жыцці. Страшна, што такі абмежаваны, неразумны, фанатычны чалавек дарываецца да нейкай улады. З такіх набіралі паліцаяў, падобна, раней».
«Гэтаму «вялікаму мысліцелю сучаснасці» хочацца адказаць словамі з класікі: «Вы, Шарыкаў, лухту гаворыце. І абуральней за ўсё тое, што гаворыце яе ўпэўнена і безапеляцыйна», — дадае іншы.
«Чалавек, які ні разу, напэўна, у сваім жыцці па твары нармальна не атрымліваў, разважае аб кровапраліцці і катаваннях з ухмылкай», — абураецца яшчэ адзін.
«Вайна цудоўная», «чалавек са зброяй цудоўны» — цябе толькі фронт выправіць. І карма (жыццё) цалкам можа гэта зрабіць», — дадае іншы.
«Проста вельмі закамплексаваны з дзяцінства чалавек, які дарваўся да мікрафона», — спрабуе нехта апраўдаць Азаронка.
«Вельмі паказальны сюжэт, што бывае з людзьмі ад беспакаранасці. Страшна і агідна», — лічыць іншы.
На погляд гледачоў інтэрв'ю, Азаронак нават паўзыходзіць расійскага прапагандыста Уладзіміра Салаўёва:
«Я думала, што Салаўёва пераплюнуць немагчыма, але аказалася…», — піша адна з глядачак.
«Ну ён, зразумела, добры! Гэткі крыштальны мярзотнік!)) проста эталон!)) Салаўёў нават злёгку адстае. Ну рэальна цікава пабачыць яго лёс пасля Лукашэнкі».
Цікавасць да будучага лёсу прапагандыста выказваюць і іншыя:
«Вельмі хочацца паглядзець, што будзе рабіць гэты чалавек пасля таго, як сыдзе Лукашэнка. Усім адэкватным беларусам падтрымка».
«А што вы будзеце рабіць, калі не будзе Лукашэнкі, як Хаціко? Брава, Ксенія!!!» — адзін з найбольш лайканых каментарыяў.
Некаторыя папярэджваюць аб непазбежнай адказнасці ў будучыні:
«Азаронак так радуецца катаванням! Ён ці маньяк, ці слабы розумам. І дарэмна ён думае, што ён застрахаваны ад тых катаванняў, бо ён жыве ў гэтай краіне».
Некаторыя лічаць, што інтэрв'ю ў Азаронка не варта было браць.
«Што ў чалавека ў галаве? Нават глядзець на яго няёмка», «Прыйшла ў псіхушку і спрабуе з хворым пагаварыць, як са здаровым», «Я бы сказаў, галоўны блазан Беларусі. Таму што мне цяжка ўявіць чалавека, якога такая шыза можа ў нечым упэўніць» — чытаем у каментарыях.
«Браць інтэрв'ю ў Азаронка — гэта як браць інтэрв'ю ў завадатаркі бабак з Атрадаў Пуціна», «Трэба было назваць выпуск «інтэрв'ю з псіхапатам».
«Якая ён мярзота», «Гэта ж колькі цярпення трэба набрацца, каб не ўрэзаць у гэта рыла», — не хаваюць эмоцый каментатары.
«Цікава, а Сабчак аплаціла курсы псіхалагічнай дапамогі і рэабілітацыі ўсім людзям, якія гэта здымалі і рэдагавалі? Баюся ўявіць, праз якія мукі ім давялося прайсці! Я асабіста пратрымаўся да пытання аб «годнасці» Азаронка».
Але ёсць і тыя хто лічыць, што трэба рабіць інтэрв'ю з такімі, як Азаронак, і хваліць Сабчак.
«Добра, што Ксенія іх паказвае і раскрывае, бо яны і сапраўды лічаць, што гэта іх зорная гадзіна. Можа, і так, але на самой справе гэта больш падобна да кляйма».
«Ксенія, пад кожным відэа буду выказваць сваё захапленне Вашай інтэлігентнасці, вытрымцы, эрудыцыі. Браць інтэрв'ю ў такога скуфа ў кубе — яшчэ тая задача…»
«Лайк Ксеніі і камандзе, гэта відавочна была цяжкая праца, але слухаць гэта вышэй за мае сілы».
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары