«Эдуарда Бабарыку выводзяць з ШІЗА: кладзіся на шконку нізкага статусу. Ён адмаўляўся, трымаўся»
Блогер Вадзім Ермашук, які перасякаўся ў ШІЗА з сынам Віктара Бабарыкі, расказаў пра яго.
«Наша Ніва»: Што табе вядома пра Эдуарда Бабарыку, з якім вы паспелі перасекчыся ў калоніі?
Вадзім Ермашук: Я ведаю, што яго схілялі тады ў нізкі статус. Ён месяц адсядзіць у ШІЗА — яго выводзілі і казалі: кладзіся на шконку нізкага статусу. Ён адмаўляўся, трымаўся. Пры гэтым калі любы іншы зэк сядаў на наша месца, усе б зрабілі выгляд, што не заўважылі гэта. А вось калі чалавек публічны ці на яго заданне, то гэта будзе рабіцца.
Я хацеў з Эдзікам пагаварыць, калі мы абодва сядзелі ў ШІЗА. Мы маглі, але не хацеў яго падстаўляць, калі ў мяне статус. Я проста слухаў, калі ён з кімсьці іншым перагаворваўся, і мне было радасна. А калі я вызваляўся, то спецыяльна песні спяваў — «Воіны святла» і «Грай», каб палітычныя чулі, і ён у тым ліку.
Пры турэмныя выпрабаванні Вадзіма Ермашука чытайце больш:
«Адмываў гаўно з унітазаў, мы там як самыя кончаныя». Блогер Вадзім Vadimati Ермашук — пра тое, як жыў у калоніі ў «нізкім статусе»
Эдуард Бабарыка — сын Віктара Бабарыкі, які ў 2020 годзе ўзначаліў ягоную ініцыятыўную групу па вылучэнні ў прэзідэнты. Затрымалі Эдуарда яшчэ ў чэрвені 2020 года разам з бацькам. Рэкордна доўга трымалі ў СІЗА і толькі ў ліпені 2023 года асудзілі да 8 гадоў зняволення. Пры гэтым у тэрмін не залічылі час утрымання ў СІЗА КДБ па першапачатковым абвінавачванні — паўтара года.
Бабарыку прызналі вінаватым паводле трох артыкулаў Крымінальнага кодэкса. Тэрмін палітвязень адбывае ў бабруйскай калоніі № 2.
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары
павага хлопцу за тое што не скароміцца, пра жахлівыя сапраўдны твар маскоўскага свету трэба ведаць !!
«На зоне расчараваўся ў рпц : людзей з нашым статусам у царкву не пускалі»
А ШТО ЁН ЧАКАЎ АД ДЭПАРТАМЕНТА НКВД , ЯКІ ў 1945 утварылі сталін з берыяй?
Лично я считаю, что только красота спасет мир. Красота и массовые расстрелы.