Ракета «Арэшнік», запушчаная расійскімі вайскоўцамі па ўкраінскім горадзе Дняпро 21 лістапада, не з'яўляецца найноўшай зброяй, якой яе спрабаваў прадставіць прэзідэнт Расіі Уладзімір Пуцін. Экспертыза абломкаў паказала, што некаторыя часткі былі вырабленыя больш за сем гадоў таму, піша The Moscow Times.
Паводле звестак крыніц украінскага партала Defense Express, «Арэшнік» маглі сабраць у 2017-2018 гадах на базе міжкантынентальнай балістычнай ракеты (МБР) «Ярс», і з тых часоў ён ляжаў на складзе.
На адной з дэталяў «Арэшніка» былі знойдзеныя серыйны нумар і дата вытворчасці — 12 красавіка 2017 года. Менавіта ў гэтым годзе Расія збіралася пачаць разгортванне стратэгічнага ракетнага комплексу РС-26 «Рубеж», які быў далейшым развіццём праекта РС-24 «Ярс». Але ў сакавіку 2018 года Мінабароны адмовілася ад планаў па ўкараненні Р-26 у свой арсенал і выключыла яго з дзяржпраграмы ўзбраенняў да 2027 года, засяродзіўшыся на гіпергукавым РК «Авангард».
Эксперты лічаць, што распрацоўку «Арэшніка» пачалі больш за 7 гадоў таму, як мінімум у 2010-х, таму што 2017-ы — гэта год вытворчасці канкрэтнай дэталі, якую павінны былі выкарыстоўваць для гатовага праекта.
Defense Express таксама звяртае ўвагу, што знойдзеная дэталь мае індэкс «ЕФИТ 302811.002». Аналітыкі звязваюць гэтую маркіроўку з навукова-вытворчым цэнтрам аўтаматыкі і прыборабудавання імя акадэміка Пілюгіна (НВЦАП), які ўваходзіць у «Раскосмас» і пастаўляе сістэмы кіравання для ракет «Зеніт», «Пратон-М» і разгонных блокаў «Фрэгат». Гэта дазваляе выказаць здагадку, што НВЦАП таксама забяспечвае «Арэшнік», які збіраецца з кампанентаў МБР «Ярс».
У Пентагоне раней таксама прыйшлі да высновы, што «Арэшнік» з'яўляецца мадыфікаванай версіяй РС-26 «Рубеж», якую выпрабавалі яшчэ ў 2011 годзе. Мінабароны Вялікабрытаніі таксама лічыць «Арэшнік» варыянтам гэтай МБР, адзначаючы, што Расія мае абмежаваны запас такіх ракет.
Тэхнічныя характарыстыкі «Арэшніка» застаюцца невядомымі. Аднак калі выказаць здагадку, што канструкцыя ідэнтычная РС-26, то стартавая маса ракеты можа дасягаць 40-50 тон, а далёкасць палёту — 6000 км.
Пра тое, што «Арэшнік» нельга лічыць перадавой распрацоўкай, раней казаў інжынер-ракетчык, былы супрацоўнік украінскага КБ «Паўднёвае» Аляксандр Качаткоў. Паводле яго слоў, сістэма ўяўляе сабой скарочаную версію «Ярса» з вялікай колькасцю боегаловак.
«Баявая эфектыўнасць «Арэшніка» без ядзернага абсталявання вельмі сумніўная — гэта ўсё роўна што кар'ерным самазвалам піцу развозіць. Дакладнасць будзе плюс-мінус 100 метраў, а то і горш, а звычайнай выбухоўкі кожная боегалоўка можа несці каля 100 кг — тое ж самае, што расійская сістэма залпавага агню «Тарнада», якую агрэсар выкарыстоўвае з пачатку ўварвання», — падкрэсліваў Качаткоў.
«Людзі гінуць, а яму «цікава»… Д*****б». Украінскае кіраўніцтва пры каментаванні ініцыятыў Пуціна не падбірае слоў
Пуцін прапанаваў Захаду дуэль: атачыць Кіеў сіламі СПА і ўдарыць па ім «Арэшнікам»
Перад ударам «Арэшніка» па Дняпры кіраўніцтва Расіі эвакуявалася на Урал
Лукашэнка працягвае гаварыць пра «Арэшнік»: Цэлі вызначаць будзем мы ў Беларусі, не расіяне
«Арэшнік» для Беларусі. Куды Лукашэнка ўцягвае краіну
«Шугануць Берлін ды іншых еўрапейцаў». Пуцінскі «Арэшнік» можа быць толькі зрэжысіраваным шоу
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары