З красавіка 2025 года ў Токіа дзяржслужачыя змогуць працаваць чатыры дні на тыдзень. Плануецца, што новаўвядзенне дапаможа працуючым маці і павысіць рэкордна нізкі ўзровень нараджальнасці, перадае CNN.
Токіа. Wikimedia Commons
Паводле новых правілаў дзяржслужачыя змогуць з красавіка браць па тры выходныя на тыдзень.
У 2023 годзе колькасць дзяцей, якія жанчына нараджае за сваё жыццё, у Японіі ўпала да новага мінімуму ў 1,2. Каб колькасць насельніцтва заставалася стабільнай, патрэбен каэфіцыент 2,1.
Сацыёлагі звязваюць паказчыкі нараджальнасці ў Японіі з культурай працы і ростам кошту жыцця.
Летась эканоміка Ісландыі, дзе з 2020 па 2022 год 51% работнікаў скарацілі працоўны час, вырасла на 5%.
Каментары