Грамадства1616

«Па-ўсякаму бывае. Так дзяржава вырашыла, так зрабіла». Літоўскія чыноўнікі пракаментавалі справу Верамейчыка

Літва правярае і будзе правяраць беларусаў на «пагрозу нацыянальнай бяспецы», сказаў у каментары тэлеканалу «Белсат» адносна справы Васіля Верамейчыка міністр абароны Літвы Лаўрынас Кашчунас. Таксама справу пракаментавала міністарка ўнутраных спраў Літвы Агне Білатайце.

img
Міністр нацыянальнай абароны Літвы Лаўрынас Кашчунас. Фота: Белсат

Міністр нацыянальнай абароны Літвы Лаўрынас Кашчунас адказаў тэлеканалу «Белсату», што асабіста не знаёмы з сітуацыяй вакол Верамейчыка, але запэўніў, што інстытуцыі Літвы працуюць паводле сваіх алгарытмаў:

«Калі былі нейкія звесткі, што ён можа быць звязаны з рэжымам ці нейкай іншай рызыкай, зрабілі такое рашэнне. Па-ўсякаму бывае. Так дзяржава вырашыла, так зрабіла».

Ён паўтарыў, што «трэба глядзець у гэтую канкрэтную сітуацыю», а правяраць кожную сітуацыю мусіць правяраць Дэпартамент міграцыі. У той жа час чыноўнік дадаў, што пераезд Верамейчыка ў В’етнам наўрад ці быў «найлепшым варыянтам», бо В’етнам мае сувязі з Расіяй і Аляксандрам Лукашэнкам.

Верамейчык — далёка не першы беларус, якога ў Літве назвалі «пагрозай нацыянальнай бяспецы». Чаму Літва бачыць пагрозу нават у тых, хто змагаецца супраць рэжыму Лукашэнкі ці расійскай агрэсіі? Кашчунас адказаў, што трэба «глядзець індывідуальна на кожны аспект» — і што Літва, маўляў, так і робіць.

«У нас беларусаў шмат, — расказвае Кашчунас. — Пытанне, наколькі мы можам сітуацыю кантраляваць, наколькі гэта небяспечна для нашай краіны ці не. Напрыклад, калі прыязджаюць людзі, якія па-сапраўднаму працуюць з рэжымам, то гэта нядобра для нашай бяспекі. Ну і нашыя фільтры цяпер пачынаюць працаваць — працуюць так, як яны могуць працаваць, вось і ўсё. Павінны правяраць людзей, якія хочуць тут жыць. Нармальна».

Несправядлівага стаўлення да беларусаў у Літве Кашчунас не бачыць:

«Кожная дзяржава думае пра сваю нацыянальную бяспеку. Калі ёсць факты такія, што людзі, якія тут пражываюць, але яны прыязджаюць дамоў у Беларусь, рэгулярна гэта робяць, тады пытанне, чаму яны так робяць: ёсць нейкая сувязь з рэжымам, ці няма такой сувязі з рэжымам? Можа, яны атрымліваюць нейкія заданні ў Беларусі, потым прыязджаюць сюды і выконваюць тут гэтыя заданні. Гэта ж, ведаеце, можна адкрыць усю мяжу, каб усе прыязджалі, а сэнсу з таго? Дзяржава ж павінна правяраць, хто тут жыве. Нармальна».

Ці можа пасля выпадку Верамейчыка змяніцца падыход?

«Бываюць такія выпадкі, што не праверыш — і будзеш мець інцыдэнт, — адказаў Кашчунас. — Канешне, трэба глядзець акуратна. Не пытанне, трэба акуратна глядзець, каб не было такіх сітуацый».

Міністарка ўнутраных спраў Літвы Агне Білатайце ў каментары «Белсату» сказала, што літоўскія інстытуцыі і ў прыватнасці Дэпартамент дзяржаўнай бяспекі мусяць патлумачыць сітуацыю з Верамейчыкам, бо магчыма, што ёсць больш інфармацыі, чым апублікавана цяпер. Пакуль жа яна можа казаць толькі пра публічную інфармацыю. Рашэнні пра Верамейчыка — пытанне не МУС, а інстытуцыі, якая адказвае за дзяржаўную бяспеку. 

Агне Білатайце. Фота: Белсат

Затрыманага ў В’етнаме былога вайскоўца палка імя Кастуся Каліноўскага Васіля Верамейчыка экстрадавалі ў Беларусь тыдзень таму, адразу пасля затрымання. Перад гэтым Літва прызнала яго «пагрозай нацыянальнай бяспецы» за тое, што ў 2010-2016 гадах мужчына служыў у беларускім войску. Забарона была распаўсюджаная таксама на ўвесь Еўрасаюз. Таксама ў выніку канфлікту са штабам Палка Кастуся Каліноўскага Верамейчыку нібыта быў закрыты ўезд ва Украіну.

Каментары16

  • isA
    21.11.2024
    [Рэд. выдалена]
  • інфантыльная безадказнасць
    21.11.2024
    Літоўскі палітычны клас дэградуе на вачах. Не дзіўна, што сваю безадказнасць яны будуць маскаваць пад "так вырашыла дзяржава", быццам бы яны да яе не маюць нікага дачынення.
  • Й
    21.11.2024
    Як даць внж амапаўцу, датычнаму да падаўленьня пратэстаў у 2020 - дык лёгка. Ці замаўляць друкаваньне пашпартоў для сваіх жа грамадзян у фірме лукашыстаў. І ніякай нац небясьпекі няма.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны23

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

Зборная Беларусі па футболе прайграла Албаніі ў вырашальным матчы Лігі нацый14

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць16

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны23

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць