Літаратурную прэмію імя Францішка Багушэвіча атрымаў Валянцін Акудовіч
На фестывалі Pradmova ў Варшаве прайшла цырымонія ўзнагароджання прэміяй імя Францішка Багушэвіча за найлепшы гістарычны твор, апублікаваны ў 2023 годзе.
Прэміяй была ўганараваная кніга Валянціна Акудовіча «Трэба ўявіць Сізіфа шчаслівым» — за гісторыю паўставання беларускай інтэлектуальнай прасторы, піша «Радыё Рацыя».
«Гэта ёмісты фаліянт у 400 старонак. Працаваў над кнігай не адзін год. Потым яе фрагменты некалькі год запар друкаваў часопіс «Дзеяслоў», — пісаў Вялянцін Акудовіч з нагоды выхаду «Трэба ўявіць Сізіфа шчаслівым». — Гэтая кніга шмат пра што і пра каго, але найперш яна пра стваральнікаў… Пра тых хто дабрахоць ускінуў сабе на плечы цяжар, які ён называе «мая краіна».
Літаратурная прэмія імя Францішка Багушэвіча заснаваная ў 1994 годзе. Традыцыйна ўручаецца за выдатную гістарычную прозу аўтарам кніг, што спрыяюць абуджэнню гістарычнай свядомасці і нацыянальнай незалежнасці чытачоў.
-
У Італіі абрабавалі музей з карцінамі генія Адраджэння, якога параўноўвалі з Рафаэлем. Чаму зладзеі спакусіліся менавіта гэтымі творамі?
-
Латушка: Лукашэнка асабіста загадаў мне скараціць Спіс помнікаў удвая, бо яны «замінаюць інвестарам»
-
Пад Талачыном адкапалі фрэскі ў крыпце князёў Друцкіх-Саколінскіх. На раскопкі назбіралі праз краўдфандынг
У гарах Кыргызстана з дрона адшукалі целы зніклых беларускіх альпіністаў8
Каментары