73-гадовы Мішэль Барнье ў розныя гады меў розныя міністэрскія партфелі, а таксама працаваў еўракамісарам.
Скончаныя эксперыменты: новым кіраўніком урада Францыі прызначаны немалады адміністратар.
Мішэлю Барнье 73 гады. Ён належаў да правацэнтрысцкіх партый, галісцкага кораня. У свой час ён быў міністрам замежных спраў, а таксама сельскай гаспадаркі і навакольнага асяроддзя. Двойчы яго прызначалі еўракамісарам — па рэгіянальнай палітыцы, а таксама ўнутранага рынку і фінансавых паслуг.
Ён выключна дасведчаны палітык, які да тонкасцей ведае механізмы прыняцця рашэнняў у Францыі і Еўропе.
У Барнье трое дзяцей, а жонка паходзіць з заслужанага роду, які даў Францыі двух генералаў.
Францыя апынулася ў сітуацыі расколатага парламента: на апошніх выбарах прыкладна роўную долю месцаў, з невялікім адрывам, атрымалі левыя, цэнтрысты і крайне правыя, і сфарміраваць урадавую кааліцыю няпроста. Магчыма, Барнье выбраны на пасаду як чалавек, здольны выканаць тую задачу, якой у Італіі даў рады Мар'ё Драгі — стаць тэхнакратам, які створыць надпартыйны ўрад на час да наступных выбараў.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы9
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары