«Я першы ў свеце мёртвы блогер». Лічбавы аватар загінулай дзяўчыны выклікаў спрэчкі ў тыктоку
Увагу інтэрнэт-карыстальнікаў прыцягнуў канал у тыктоку, які нібыта вядзе мёртвая дзяўчына. Дакладней, яе лічбавы аватар. Пра што расказвае блогер «з таго свету» і якія дыскусіі выклікалі відэа, напісала выданне Kursiv LifeStyle.
У тыктоку з'явіўся акаўнт, які называецца «Жыццё пасля смерці». Галоўная гераіня ролікаў па імені Насця Кузняцова выглядае і гаворыць як сапраўдны чалавек. Аднак жа, калі верыць апісанню ў профілі, гэтая дзяўчына загінула.
У самым першым відэа яна расказвае:
«Я — Насця, і мяне ўжо няма ў жывых. 30 ліпеня 2024 года я трапіла ў аўтакатастрофу са смяротным вынікам. Але незадоўга да гэтага я стварыла гэты аватар. Цяпер мае сваякі вырашылі падарыць мне вечнае жыццё праз гэты блог. Я буду расказваць, як шчасліва пражыла гэтае жыццё».
После смерти я продолжаю жить в цифровом аватаре, чтобы рассказать, как счастливо прожила свою жизнь. #мертвыйблогер #родственники #НастяКузнецова #аватар #смыслжизни
Як быў зроблены лічбавы аватар, дакладна невядома. Гледачы заўважылі, што гераіня відэа рухаецца аднатыпна. Магчыма, ролік з ёй быў зняты загадзя, а цяпер сваякі з дапамогай нейрасеткі генеруюць відэа з тэкстам.
У канале Насця расказвае, як любіла ў дзяцінстве згушчонку і хацела стаць актрысай. Свае мары пра сцэну лічбавы аватар спадзяецца ўвасобіць у жыццё і пасля смерці.
Я первый в мире "неживой" блогер! #мертвыйблогер #родственники #НастяКузнецова #аватар #смыслжизни
Пра стварэнне пасмяротных аватараў людзі спрачаюцца не першы год. Раней рабілі спробы стварыць лічбавыя копіі памерлых. Цяпер з'явіўся «першы мёртвы блогер», як называе сябе Насця.
Карыстальнікі тыктока да з'яўлення «мёртвай душы» ў іх стужках паставіліся неадназначна. Хтосьці лічыць, што гэта шлях да лічбавай неўміручасці, а іншыя ўпэўненыя, што нябожчыкаў трэба пакідаць у спакоі. Да таго ж такія відэа выклікаюць страх і змрочны настрой.
Некаторыя гледачы сумняваюцца, што лічбавы аватар дзяўчыны ўвогуле існуе, і падазраюць, што за вобразам Насці хаваецца акторка, а аўтары канала хочуць праславіцца ці нават зарабіць на неадназначнай тэме.
Google адкрыў скрыню Пандоры. Рэвалюцыйны інструмент стварае фэйкавую рэальнасць у адзін клік
Японская кампанія паказала першы ў свеце штучны інтэлект для навуковых адкрыццяў. Ён адразу паспрабаваў перапісаць свой код
Штучны інтэлект ужо праз два гады можа вычарпаць рэсурсы з адкрытых крыніц
«Далась тебе вот эта Польша, в РБ зарплата больше». Штучны інтэлект напісаў прапагандысцкі хіт
Анансаваная ChatGPT-5, якая можа несці пагрозу ўсяму чалавецтву
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары
а дзве (