У школьных сталоўках забаранілі прадукты з араматызатарамі і этылавым спіртам
Акрамя таго, утрыманне цукру ў ласунках у школьным меню скарацілі на 25%.
У Беларусі пашырылі спіс прадуктаў, якія забаронена выкарыстоўваць у школьным харчаванні.
Так, пад забарону трапілі прадукты, якія ўтрымліваюць ГМА, ядры абрыкосавай костачкі, этылавы спірт больш за 0,2%, сарбінавую і бензойную кіслоты, падсалоджвальнікі (за выключэннем прадукцыі для лячэбнага і дыетычнага харчавання), штучныя харчовыя араматызатары, смакаараматычныя рэчывы (за выключэннем ваніліну), пішуць «Мінск-Навіны».
Загадчыца аддзялення гігіены дзяцей і падлеткаў Рэспубліканскага цэнтра гігіены, эпідэміялогіі і грамадскага здароўя Ала Малахава папярэдзіла, што асартымент праз новыя правілы будзе абмежаваны, гэта тычыцца ў тым ліку прысмакаў.
«Прадпрыемствы, калі хочуць пастаўляць прадукцыю ва ўстановы адукацыі, напрыклад печыва, мармелад, павінны пра гэта памятаць», — адзначыла Малахава.
Таксама ў хлебабулачных вырабах, якія будуць уключаныя ў школьнае харчаванне, абмежаванае ўтрыманне солі і зменшаная колькасць цукру на 20-25%.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА117
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары