Мінскіх школьнікаў больш не будуць карміць пельменямі, затое шашлык застаецца
Восеньскае меню ў школьных сталовых змянілася.
Пельмені выключылі з восеньскага меню школьных сталовых Мінска. Пра гэта распавяла дырэктарка «Камбіната школьнага харчавання горада Мінска» Людміла Крупская. Паводле яе слоў, пельмені могуць вярнуцца ў іншым сезонным меню, піша БелТА.
Сёлета ў восеньскі рацыён мінскіх школьнікаў уключана каля 124 страў. У прыкладныя двухтыднёвыя рацыёны на восень уключана 5 новых страў, а таксама стравы, якія ўжо карыстаюцца попытам у вучняў. Сярод папулярных — шашлычок «Школьны», курачка «Пікантная», катлета «Папараць»
Сярод навінак — блінцы з яблыкам і цынамонам на падвячорак, курыная грудка, запечаная ў смятаным соусе, на абед.
У рацыён малодшых школьнікаў на сняданкі вярнулі блінцы з тварагом і сырнікі.
Акрамя таго, Крупская абяцае два новыя напоі, але назву пакуль не раскрывае.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм13
Каментары