Чаму відэа з танкам пад бел-чырвона-белым сцягам было знятае ў Сумскай вобласці, а не ў Курскай? Тлумачыць Жэрар
Відэа з танкам пад нацыянальным беларускім сцягам, які едзе па Курскай вобласці Расіі, разляцелася па ўсім інтэрнэце. Аднак узніклі пытанні, дзе быў зняты ролік — у Расіі ці ва Украіне. І ці ёсць увогуле беларусы ў Курскай вобласці? Адказвае баец з пазыўным «Жэрар», які ваюе ў беларускім падраздзяленні «Тур» 225 асобнай штурмавой брыгады УСУ.
Населены пункт на відэа быў апазнаны як сяло Кіяніца Сумскай вобласці Украіны. Знаходзіцца яно на колішняй вялікай дарозе Сумы-Курск. Жэрар адказвае на гэта:
«Відэа з «танкам у Курскай вобласці» сапраўды знятае ў Сумскай вобласці па дарозе на Курск. Калі мы заязджаем у Расію, то здымаем сімволіку — мы ж не дурні.
Але беларусы ёсць у Курскай вобласці, і мы сапраўды тут ваюем. У нас механізаванае падраздзяленне, мы маем танкі, на якіх заязджалі ў Курскую вобласць. Падраздзяленне «Тур» вядзе тэлеграм-канал, дзе расказвае пра сябе, там жа ёсць і відэа з тэрыторыі ўжо самой Расіі».
Па словах Жэрара, расіяне маюць намер адбіць Курскую вобласць, і ў раён сцягваюцца вялікія сілы.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Гэтая партыя прайграная». Беларускія даследчыкі — пра тое, у што ператварылася Акадэмія навук1
«Гэтая партыя прайграная». Беларускія даследчыкі — пра тое, у што ператварылася Акадэмія навук
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары