«Паехалі ў Беларусь на вечарынку і цяпер льяце кракадзілавыя слёзы». Што думаюць у Латвіі пра затрыманне на «Віва Браслаў»
Сабралі рэакцыі жыхароў Латвіі на затрыманне іх суайчыннікаў.
Аб затрыманні чатырох маладых людзей, якія на машыне паехалі з Латвіі ў Беларусь на фестываль Viva Braslav, расказала адна з іх знаёмых — з просьбай аб дапамозе.
Яе відэа суправаджаецца цітрамі:
«Вось як жыццё можа перавярнуцца. Будзьце асцярожныя і беражыце сябе. Калі нехта некага ведае, хто быў у падобнай сітуацыі, калі ласка, дайце мне ведаць».
Іншы карыстальнік размясціў гэты запіс у сваім акаўнце ў твітары, дадаўшы свой каментарый:
«Паехалі ў Беларусь на вечарынку і цяпер льяце кракадзілавыя слёзы. Наступным разам у Паўночную Карэю?»
Brauca ballēties uz Baltkrieviju un nu lej krokodila asaras?
Nākamreiz uz Ziemeļkoreju? pic.twitter.com/PANg59Jqjh
Гэты твіт праглядзелі больш за 57 тысяч разоў і пакінулі звыш 70 каментарыяў. Заўважым, што сярод іх мы не знайшлі ніводнага, дзе б выказвалася спачуванне маладым людзям.
Найбольш упадабаным каментарыем з'яўляецца «Сумная гісторыя для таго, каб абараніць нас? Трэба быць поўным ідыётам, каб паехаць туды тусавацца. Няхай цяпер сядзіць у рэжыме сваёй рашысцкай мары».
«Няўжо ніхто з бацькоў не патлумачыў тым дзецям, што яны едуць у краіну, якая вядзе супраць нас актыўную гібрыдную вайну і з'яўляецца варожай?», — дадае іншы.
«Ну, калі ў вас няма мазгоў і вы хочаце паехаць у Беларусь, то наперад. Натуральны выбар ватнікаў», — лічыць яшчэ адзін.
«Калі хапіла розуму паехаць у Беларусь, то, можа, папросіце палітычнага прытулку, пару гадоў будзеце падмятаць вуліцы, час дыктатара скончыцца і вас адпусцяць дахаты!» — дае парады іншы каментатар.
«Гуляеце ў дурныя гульні, атрымліваеце дурныя прызы», — нагадвае яшчэ адзін.
Некаторыя выказваюць упэўненасць у тым, што маладым людзям падкінулі наркотыкі.
«Яшчэ адна амёба «я палітыкай не цікаўлюся», як і яе знаёмыя, што арыштаваныя ў Беларусі. Яна і зараз не разумее, што машына і пасажыры, хутчэй за ўсё, былі цалкам чыстыя ад наркотыкаў, але іх узялі ў закладнікі, каб потым Беларусь абмяняла іх на сваіх».
«Так, яны і зараз не разумеюць, што гэта была выдумка беларусаў, што яны нічога там не знайшлі, што 100% маладыя людзі і машына былі чыстымі. Папярэджанне аб тым, што трэба правяраць машыны перад паездкай, зусім залішняе».
«Адны сапраўдныя ідыёты. «Машыну трэба старанна правяраць». 99,9% што травы там не было, чэкісты сфабрыкавалі справу, каб узяць у палон грамадзян Латвіі. Проста не ездзіце ў гэтую фашысцкую памыйку».
Цяпер чытаюць
Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?1
Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары
Сто процентов были нужны молодые ребята для вербовки в качестве шпионов-диверсантов, но они сказали карателям "НЕТ" и после этого понеслось...
Хочется пожелать латышам и негражданам не посещать страну из соображений безопасности.
97% беларусов в стране желают Вам добра, но учтите, что есть еще фашисты во главе с Лукашенко, захватившие власть.