Мужчына задэклараваў на беларускай мяжы 235 тысяч еўра, але іх усё адно канфіскавалі
Грамадзянін Грузіі спрабаваў вывезці з Беларусі праз пункт пропуску «Беняконі» 235 тысяч еўра. Паколькі сума наяўных грошай перавышала 100 тысяч долараў, мужчына прадставіў неабходныя дакументы аб паходжанні грошай.
Гарадзенскія мытнікі засумняваліся ў сапраўднасці заяўленых звестак і правялі праверку. Яны высветлілі, што грошы паступілі грамадзяніну ад неіснуючых фірмаў.
Па факце незаконнага перамяшчэння праз мытную мяжу грашовых сродкаў у буйным памеры Гродзенскай рэгіянальнай мытняй распачата крымінальная справа. Санкцыя артыкула ч. 2 арт. 228 КК (незаконнае перамяшчэнне праз мяжу наяўных грошай у буйным памеры) прадугледжвае пакаранне аж да пазбаўлення волі на тэрмін да пяці гадоў.
Грашовыя сродкі канфіскаваныя да рашэння суда.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары