Міністэрства працы і сацыяльнай абароны паведаміла пра павышэнні ў Беларусі з 1 жніўня памеру бюджэту пражытковага мінімуму (БПМ). Як паведамілі ў Мінпрацы, новыя значэнні БПМ будуць прымяняцца ў Беларусі па 31 кастрычніка 2024 года.
У сярэднім на душу насельніцтва БПМ з 1 жніўня павялічыцца на 3,4%, да 433 рубля.
Па асноўных сацыяльна-дэмаграфічных групах паказчык вырасце наступным чынам:
- працаздольнае насельніцтва — 462,26 рубля (+ 13,27 рубля);
- пенсіянеры — 314,13 рубля (+11,1 рубля);
- дзеці да 3-х гадоў — 273,78 рубля (+8,85 рубля);
- дзеці ад 3-х да 6-ці гадоў — 365,55 рубля (+11,23 рубля);
- дзеці ад 6-ці да 18-ці гадоў — 428,23 рубля (+15,16 рубля).
Значэнне бюджэту пражытачнага мінімуму прымяняецца пры разліку шэрагу сацыяльных выплат, уключаючы дзіцячыя дапамогі, павышэнні да пенсій, «узроставыя» даплаты і надбаўкі пенсіянерам, дапамогі па догляду за інвалідамі I групы або пажылымі людзьмі, а таксама сацыяльныя пенсіі.
Апошні раз бюджэт пражытковага мінімуму ў Беларусі павышаўся 1 мая. Тады ягоны памер павялічыўся на 2,9%.
Цяпер чытаюць
«У мяне на стале пяць гадоў ляжала папера з перадачай права апекі над сынам». Вольга Севярынец — пра гады страху, антыдэпрэсанты і надзею5
Каментары