Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?
Усё часцей сілавікі шукаюць кантакты беларусаў, якія выехалі з краіны, і просяць іх даслаць свой адрас пражывання. Распавядаем, што адбываецца.
Мы знайшлі каля 20 выпадкаў, калі беларусам, што цяпер за мяжой, пісалі сілавікі і пыталіся адрас пражывання. Гэта былі як былыя палітвязні, гэтак і проста людзі, якія выехалі пасля 2020 года. Частка з іх даслала свой адрас, частка — не.
Некаторых прасілі выслаць дамовы арэнды жылля. Іншых, на каго завялі крымінальныя справы, — даслаць распіску: пазначыць, дзе жывеш, і напісаць, што калі вернешся ў Беларусь, абавязуешся явіцца ў органы.
Юрыстка «Вясны» Святлана Галаўнёва тлумачыць, навошта сілавікам адрасы беларусаў:
- Чалавек знаходзіцца на ўліку пасля адбыцця пакарання, і, каб сілавікам больш не працаваць па ім, трэба пацверджанне, што чалавек з'ехаў.
- Заведзена крымінальная справа, і міліцыі трэба падставы, каб падаць у вышук і такім чынам завяршыць працу па крымінальнай справе.
- Патрэбныя падставы, каб распачаць крымінальную вытворчасць.
Пры камунікацыі з сілавікамі юрыстка раіць даваць толькі неабходны мінімум інфармацыі, звесткі пра ваша месца пражывання лепш не раскрываць.
«Лепей за ўсё ветліва растлумачыць, што вы гэтую інфармацыю па тэлефоне казаць не будзеце. І ўвогуле скарыстаецеся сваім правам не сведчыць супраць сябе і сваіх блізкіх», — кажа Святлана.
«Наша Нiва» — бастыён беларушчыны
ПАДТРЫМАЦЬМахляры сабралі персанальныя звесткі тысяч беларусаў замежжа. Як так атрымалася і прычым тут пашпарт Новай Беларусі?
Спецслужбы збіраюць даныя пра беларусаў замежжа, робячы фэйкавыя анкеты для прэтэндэнтаў на пашпарт Новай Беларусі
Навошта сілавікі выпытваюць пра тэлеграм-акаўнты беларусаў, нават тых, хто за мяжой?
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай4
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
Таму, калі вам выпадкова якісці чужынец тэлефануе з Беларусі, кідайце слухаўку, мяняйце нумар і лепш напішыце заяву аб магчымай небяспецы ў бліжэйшае аддзяленне паліцыі.
А "Вясны" хай працягвае збіраць "доказы злачынстваў рэжыму".