Вясною Церцель заявіў, што ва ўкраінскіх бальніцах тэрарысты хаваюцца за спінамі дзяцей. Учора расіяне ўдарылі па «Ахматдзет»
У красавіку на пасяджэнні Усебеларускага народнага сходу кіраўнік КДБ Іван Церцель заявіў, што ва ўкраінскіх медустановах «хаваюцца тэрарысты». Учора ад расійскіх ракетных удараў пацярпелі тры кіеўскія медустановы, у тым ліку найбуйнейшая дзіцячая бальніца.
У красавіку заява Івана Церцеля нарабіла шмат шуму. Ён абяцаў супрацьдзейнічаць міфічным тэрарыстам з Украіны, і ў ходзе гэтага прагучала пагроза ў дачыненні да бальніц Кіева.
«Усе гэтыя людзі і іх планы нам вядомыя. У барацьбе з тэрарызмам дзейнічаем па законах ваеннага часу. Сярод тэрарыстаў ёсць забітыя і параненыя, іх напаткае пакаранне, нягледзячы на тое, што сваім логавам яны абралі кіеўскія бальніцы па адрасе Багатырская 30, 32, дзе схаваліся за спіны хворых дзяцей», — заявіў старшыня КДБ Беларусі.
Улады ў Кіеве тады з-за выказвання Церцеля правялі тэрміновую эвакуацыю дзвюх бальніц на вуліцы Багатырскай у Абалонскім раёне ўкраінскай сталіцы. Адна з іх была дзіцячая.
«Гэта абсалютная хлусня і правакацыя ворага, якую ён спрабуе выкарыстаць для ўдару па сацыяльнай інфраструктуры сталіцы», — заявілі тады ў Кіеўскай адміністрацыі.
8 ліпеня расіяне нанеслі ракетны ўдар па Украіне, ужо па іншых бальніцах. У Кіеве ракеты патрапілі па бальніцы «Ахматдзет»», прыватнай клініцы Adonis, прыватнай радзільні «Ісіда». У «Ахматдзет» загінулі двое дарослых (адна з іх доктарка), у Adonis паведамілі пра пяць загінулых медыкаў і двух пацыентаў.
Удар па дзіцячай бальніцы ў Кіеве быў нанесены расійскай ракетай. Вось якія доказы
Паплечнік Берлусконі назваў расійскі ўдар па Кіеве ваенным злачынствам
Украінцаў скарыла ВІДЭА, як ветэран на пратэзе разбірае завалы дзіцячай клінікі ў Кіеве. Аказалася, гэта беларус
Мінабароны Расіі пракаментавала сённяшнія ўдары па Украіне
Расія ўдарыла па найбуйнейшай дзіцячай бальніцы Кіева
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары