Меркаванні1010

«Вера кліча ахвяру». Лукашыстам моцна хочацца, каб на Блізкім Усходзе разгарэлася новая вайна

Вось што пісалі прапагандысты уначы на 14 красавіка, калі Іран атакаваў Ізраіль.

Іранскія балістычныя ракеты, запушчаныя па Ізраілі, і Азаронак на смеццевым баку. Фоты: Anadolu / Contributor Getty Images, «Наша Ніва». Калаж: «Наша Ніва»

За начным нападам Ірана на Ізраіль сачыў увесь свет, і лукашэнкаўскія прапагандысты не сталі выключэннем. 

У агульнай сваёй масе іх рэакцыі былі поўныя захаплення, радасці і падтрымкі ў адносінах да Ірана. Знайшлося месца і злараднасці ў адносінах да Украіны ў сукупнасці з абвінавачваннямі ў адрас ЗША — стандартным, на думку прапаганды, «вінаватага» ў любых рэгіянальных і сусветных крызісах.

Былі нават тыя, хто на фоне іранскага нападу натхніўся ўцягнуць Беларусь у Трэцюю сусветную вайну.

«Трэба рыхтавацца і ўзбройвацца да зубоў»

Першым, хто моцна натхніўся ўступіць у новы глабальны канфлікт, стаў Рыгор Азаронак.

Прапагандыст актыўна асвятляў начную атаку Ірана, адначасова захапіўшыся іранскім «народным шчасцем і ахвярнасцю, якія многія не зразумеюць», а таксама заклікаўшы Беларусь «узбройвацца да зубоў» для новай сусветнай вайны, «дзе слабых чакае ганьба і смерць». 

Думкі Азаронка адразу падхапіў і падтрымаў малодшы салавейчык прапаганды Аляксей Дзермант. Ён дадаткова заклікаў умацоўваць ваенны саюз з Расіяй. 

Далей ідуць «Желтые сливы», якія згадалі Украіну і заадно прывялі новую расійскую метадычку, быццам пра яе забываюць на фоне іншых крызісаў у свеце. 

Гэты наратыў паўтарыў і лукашэнкаўска-расійскі тэлеграм-канал «Белорусский силовик», заявіўшы, што «ЗША не так турбуюцца за Украіну, як за Ізраіль».

Да хвалі злараднасці далучыўся і прапагандыст Канстанцін Прыдыбайла, аднак накіраваў ён сваю агрэсію на зорак расійскага шоу-бізнесу і спевакоў, якія з'ехалі з Расіі з-за нязгоды з вайной супраць Украіны.

Нацыянальны бібліятэкар і дэпутат Вадзім Гігін таксама часу дарма не губляў і адразу знайшоў «галоўнага вінаватага» у канфлікце паміж Іранам і Ізраілем, а менавіта «ЗША і іх жаданне забяспечваць лідарства на Блізкім Усходзе».

Разам з гэтым Гігін прызнаўся, што амаль усю ноч сачыў за атакай Ірана на Ізраіль, і без іроніі паскардзіўся на «мноства фэйкаў з боку блогераў і журналістаў».

Мяркуючы па гэтых выказваннях, Маскве і лукашыстам моцна хацелася б, каб на Блізкім Усходзе разгарэлася новая вайна. Яны мяркуюць, што тады Захаду не хопіць сілаў абараняць Ізраіль і Украіну адначасова. І больш за тое, Масква і Мінск стрыглі б адзіныя свае купоны — нафтавыя. Аднак лёгкасць, з якой Ізраіль адбіў самую магутную атаку дронаў у гісторыі, паказвае, што гэта такія ж, ужывём тут выраз, выкарыстаны Пуціным, «вільготныя», хоць і крыважэрныя мары, як захоп Украіны за тры дні.

«Наша Нiва» — бастыён беларушчыны

ПАДТРЫМАЦЬ

Каментары10

  • Бурачок
    14.04.2024
    У кагосьці ў НН сталёвыя нэрвы каб адсочваць ды яшчэ і аналізаваць, а потым і гатаваць матар’ялы для друку па гэтых усіх “інтэлектуалах” і іх брэдзяціны. Нізкі паклон, Вам, хлопцы!
  • Ч
    14.04.2024
    [Рэд. выдалена]
  • Фантомас
    14.04.2024
    Если коротко - всех их объединяет фанатизм, вера в сверхъестественные силы (всякое мессианство, предназначение и прочее дерьмо), расизм, агрессия и ненависть. Злобный компот, но в этот раз они все точно стали не на ту сторону. Не получится переметнуться в другой лагерь как в 41. Простили тогда совок, а зря... В этот раз угроза в сотни раз больше, но и расправляться с ними уже будут беспощаднее. Мы все можем погибнуть, но победить они не смогут точно.

Цяпер чытаюць

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Усе навіны →
Усе навіны

Трамп вымушана спыняе рэйды супраць імігрантаў у сельскай гаспадарцы і гатэльным бізнэсе3

Навукоўцы знайшлі просты спосаб паспрыяць росту раслін — музыка, але не кожная20

Ryanair будзе штрафаваць пасажыраў, якія парушаюць парадак1

У Гомелі 7 гадоў таму пабудавалі прыбіральню ледзь не за мільён даляраў. Як у ёй цяпер?4

У Дубаі загарэўся 67-павярховы хмарачос3

Што можа чакаць тых, каго будуць судзіць па справе «Беларускага Гаюна»?

Лукашэнка парэкамендаваў беларусам не налягаць на бульбу13

Ізраільцянам прыходзяць шпіёнскія паведамленні ад карэспандэнткі АНТ10

Усплёскі заказаў піцы каля Пентагона маглі сведчыць пра будучую атаку на Іран9

больш чытаных навін
больш лайканых навін

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Галоўнае
Усе навіны →

Заўвага:

 

 

 

 

Закрыць Паведаміць