У МЗС РФ расказалі, што выкарыстоўваюць канал у Мінску для кантактаў з Украінай
Кіраўнік дэпартамента краін СНД МЗС Расіі Аляксей Палішчук расказаў аб канале камунікацый у Мінску, які выкарыстоўваюць расійскі і ўкраінскі бакі. Ён зазначыў, што ў асноўным яго задзейнічаюць для нотнай перапіскі і перадачы консульскіх дакументаў.
Аляксея Палішчука спыталі, з якой мэтай Масква выкарыстоўвае канал сувязі з Кіевам праз беларускую сталіцу, і ці атрымлівае расійскі бок па ім якія-небудзь паведамленні ці сігналы ад Украіны.
«Гэты канал камунікацый зʼяўляецца выключна тэхнічным. Ён выкарыстоўваецца для нотнай перапіскі і перадачы дакументаў, галоўным чынам, прававога і консульскага характару», — адказаў Палішчук.
31 сакавіка МЗС Расіі паведаміла, што праз названы канал у Мінску расійскі бок перадаў Украіне свае патрабаванні аб арышце і выдачы асоб, якія, на думку Масквы, маюць дачыненне да тэрарыстычных атак. Сярод патрабаванняў — арышт кіраўніка Службы бяспекі Украіны Васіля Малюка.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах14
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары