Другое за дзень ДТЗ з маршруткай: у аварыі ў Мінску пацярпелі пяць чалавек
Бус урэзаўся ў прыпаркаваныя машыны.
Здарэнне адбылося на вуліцы Гінтаўта ва Уруччы. 50-гадовы кіроўца маршруткі не справіўся з кіраваннем і ўрэзаўся ў тры прыпаркаваныя аўтамабілі.
Адна з машын па інерцыі ўрэзалася ў дрэва, іншая — у асвятляльную мачту. Пяць пасажыраў маршруткі былі шпіталізаваныя для абследавання, паведамілі ў МУС.
На месцы працуе следча-аператыўная група.
Гэта другая за дзень аварыя з удзелам маршруткі ў Беларусі. Сёння таксама ў Мастоўскім раёне бус сутыкнуўся з трактарам. Там шпіталізавалі дзевяць чалавек.
Каментары