У Мастоўскім раёне ДТЗ з маршруткай. Дзевяць чалавек трапілі ў бальніцу
Адбылося сутыкненне з трактарам.
Cёння раніцай 41-гадовы кіроўца маршруткі Mercedes Брэст — Гродна на закругленні дарогі паблізу вёскі Жылічы рабіў абгон.
Ён выехаў на паласу сустрэчнага руху, дзе сутыкнуўся з трактарам, які паварочваў налева, паведамляе СК.
На месца здарэння выехалі чатыры брыгады хуткай дапамогі: дзве фельчарскія і дзве доктарскія з Гродна і Мастоў.
У выніку ДТЗ пацярпелі 10 чалавек, з іх двое дзяцей-падлеткаў. Усе яны агледжаны медыкамі і атрымалі неабходную дапамогу на месцы. Дзевяць чалавек з рознымі траўмамі дастаўлены ў лячэбныя ўстановы Гродна (універсітэцкую клініку, дзіцячую клінічную бальніцу і БХМД), Мастоўскую ЦРБ.
Пацярпелыя атрымалі закрытыя чэрапна-мазгавыя траўмы, пераломы канечнасцей, носа, а таксама ўдары.
У стацыянарах працягваецца аказанне неабходнай медыцынскай дапамогі. Стан усіх пацыентаў расцэньваецца як стабільны, паведамляе Мінздароўя.
Следчыя звяртаюцца да відавочцаў ДТЗ з просьбай паведаміць наяўную інфармацыю па тэлефонах: (8-015-15) 3-78-34 і (8033) 370-43-18.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1818
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс18
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары