26-гадовая паляшучка за шэсць месяцаў зрабіла 42 тысячы ставак у анлайн-казіно
У выніку суд забараніў маці дваіх дзяцей тры гады наведваць анлайн-казіно і ўдзельнічаць у азартных гульнях.
26-гадовая дзяўчына з Лунінецкага раёна працавала прадаўцом. Высветлілася, што яна прысабечыла выручку крамы на 9 тыс. рублёў, частку патраціўшы на стаўкі ў анлайн-латарэі.
Дзяўчына, маці дваіх дзяцей, перыядычна брала ў касе крамы грошы, якія пераводзіла на сваю банкаўскую карту, пасля чаго рабіла стаўкі ў анлайн-латарэях, паведамляе Генпракуратура.
Яна траціла на азартныя гульні і свой заробак, узяўшы крэдыты ў трох розных банках. Муж пра гэта нічога не ведаў, паверыўшы па тлумачэннях жонкі, што тая аддала грошы знаёмым у доўг.
Сваімі дзеяннямі жанчына паставіла сваю сям'ю ў цяжкае матэрыяльнае становішча, бо значная частка заробку трацілася на анлайн-гульні і вылічэнні ў кошт пакрыцця шкоды па крымінальнай справе.
З 11 ліпеня 2023 года па 31 студзеня 2024 года дзяўчына зрабіла больш за 42 тысячы гульнявых ставак.
У выніку суд, па ініцыятыве мясцовай пракуратуры, абмежаваў дзяўчыну ў наведванні ігральных устаноў і ўдзеле ў азартных гульнях на тэрмін 3 гады.
Рэпрэсіі разганяюцца ці запавольваюцца? Давайце лічыць9
Рэпрэсіі разганяюцца ці запавольваюцца? Давайце лічыць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары