«Ён у штучнай коме». Бацька беларускага ахоўніка з «Крокуса» пра стан сына
Усё ідзе вельмі складана, ніякіх прагнозаў дактары не даюць.
Пра стан беларуса Аліма Кашаварава, які быў паранены ў час тэракту ў «Крокусе», паведамілі на канале АНТ.
«Стан у Аліма крытычны. Ён ляжыць пад ШВЛ, у штучнай коме. Множныя паражэнні цела, сэпсіс пачаўся. Адмовілі ныркі, ныркі аднаўлялі. Вялікая была вельмі страта крыві. Усё ідзе вельмі складана, ніякіх прагнозаў дактары не даюць. Але, малайцы, робяць усё, што могуць», — паведаміў Іосіф Кашавараў.
Бацька таксама паведаміў, што Алім працаваў у «Крокусе»:
«Ён працаваў там кантралёрам і стаяў прама на ўваходзе. Правярае, каб не неслі спіртное, агнястрэлы, прапускае людзей і глядзіць каб не было п'яных».
У Боткінскую бальніцу, дзе цяпер знаходзіцца Алім Кашавараў, накіраваўся ягоны брат.
Цяпер чытаюць
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер1
Каментары