Здарэнні

У Мінску ўжо ёсць пацярпелыя ад кляшчоў

Першы ўкус зафіксавалі каля 10-й бальніцы.

Фота: Wikimedia Commons

Кляшчы могуць напасці ў любы час года, калі тэмпература паветра вышэй +5°C, расказала 5 сакавіка доктар-эпідэміёлаг Мінскага гарадскога цэнтра гігіены і эпідэміялогіі Вольга Семіжон, пішуць Мінск-навіны.

— Сёлета ў сталіцы першы ўкус кляшча зарэгістраваны 26 лютага ў лесапаласе каля 10-й бальніцы, — адзначыла В.Семіжон. — Пры тэмпературы паветра + 5… +7°C пачынаецца сезон кляшчоў. Май-чэрвень і жнівень-верасень — гэта перыяды іх павышанай актыўнасці.

Як заўважыла В.Семіжон, кляшчы чакаюць ахвяру ў траве або кустах на вышыню прыкладна 50—100 см. Гэтыя казуркі небяспечныя тым, што могуць пераносіць узбуджальнікаў розных інфекцый, напрыклад, клешчавога энцэфаліту, хваробы Лайма і іншых. І калі ад першага захворвання можна зрабіць прышчэпку, то ад другога вакцыны не існуе. Таму для абароны ад кляшчоў пажадана карыстацца рэпелентамі: спрэямі, мазямі і іншымі. Не варта забываць аб мерах засцярогі: у лесапарках шпацыраваць па шырокіх пешаходных дарожках, не заходзіць у зараснікі кустоў. Збіраючыся на прыроду, экіпуйцеся адпаведным чынам: надзеньце галаўны ўбор, жакет з доўгім рукавом, запраўце штаны ў абутак. Падчас прагулкі па лесе кожныя дзве гадзіны праводзіце сама– і ўзаемаагляды, тое ж самае зрабіце па вяртанні.

Калі клешч усё ж укусіў, можна паспрабаваць выдаліць яго самастойна. Але лепш звярнуцца па дапамогу ў паліклініку, пажадана да доктара-інфекцыяніста. Калі доктар у адпачынку ці на бальнічным, пракансультуйцеся ва ўчастковага тэрапеўта.

Варта адзначыць, што пры ўкусе кляшча неабходны прафілактычны прыём прэпарата.

Звычайна доктар прызначае антыбіётык, які трэба прыняць у першыя 72 гадзіны пасля ўкусу. Як правіла, для дарослага гэта аднаразовая доза. Пасля прыёму антыбіётыка назірайце за сваім станам здароўя не менш за месяц.

Каментары

Трамп паверыў у поўную перамогу Украіны16

Трамп паверыў у поўную перамогу Украіны

Усе навіны →
Усе навіны

Хлопец з Індыі паступіў вучыцца ў Санкт-Пецярбург, а ў яго адабралі пашпарт і адправілі на вайну4

Колькі трэба адкладаць у месяц, каб купіць кватэру па новай сістэме будаўнічых зберажэнняў2

У Польшчы затрымалі групоўку, якая па-за санкцыямі пераганяла люксавыя аўто ў Беларусь і Расію3

На вуліцы Карла Маркса ў Мінску прадаюць яркую сталінку. Квадрат каштуе больш за $4400

Мінчанка прадала машыну за 900 рублёў, а праз чатыры гады даведалася пра доўг 6000 рублёў4

Як журналістка «Нашай Нівы» шукала пару на праваслаўным сайце знаёмстваў. Падкаціў і Талай53

Nvidia дамовілася інвеставаць да $100 млрд у ChatGPT — кампаніі плануюць стварыць суперінтэлект2

«На прабегу 40—55 тысяч пачынаюць прагараць клапаны». Беларусы пра досвед карыстання Geely14

Як Стакгольм перамог заторы без абурэння жыхароў8

больш чытаных навін
больш лайканых навін

Трамп паверыў у поўную перамогу Украіны16

Трамп паверыў у поўную перамогу Украіны

Галоўнае
Усе навіны →

Заўвага:

 

 

 

 

Закрыць Паведаміць