Тэрмін падачы падатковых дэкларацый фізічнымі асобамі ў Беларусі падоўжаны да 1 красавіка, г.зн. на дзень. Зрабілі гэта праз тое, што 31 сакавіка сёлета выпала на нядзелю, распавёў начальнік Галоўнага ўпраўлення падаткаабкладання фізічных асоб Міністэрства падаткаў і збораў Андрэй Кавалеўскі ў прэс-цэнтры Дома прэсы.
Падаваць дэкларацыю абавязаныя тыя, хто прызнаны падатковым рэзідэнтам Беларусі ў 2023 годзе і атрымаў даходы за мяжой. Гэта значыць усе, хто пражываў на тэрыторыі Беларусі 183 дні і больш незалежна ад грамадзянства.
Замежнымі крыніцамі даходу лічацца любыя сродкі, атрыманыя за мяжой. Гэта заробак, узнагароджанне за працу, бізнэс-дзейнасць за мяжой, працэнты па замежных рахунках, выйгрышы ў замежных казіно, уключаючы анлайн-казіно.
У пералік уключаны таксама падарункі ад фізічных асоб на суму, якая перавышае 9338 рублёў, і продаж маёмасці.
Заплаціць падаходны падатак трэба будзе не пазней за 3 чэрвеня.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х55
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х5
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары