Каханне і сэкс22

На любы бюджэт: 10 небанальных падарункаў да Дня закаханых 

Калі замовіць падарункі на Дзень усіх закаханых зараз, яны якраз паспеюць своечасова дайсці да вас. Паглядзелі, якія цікавыя прэзенты можна падабраць у даступных у Беларусі анлайн-магазінах.

Фота: AP Photo / Efrem Lukatsky

Каву ў дрып-пакетах можна хутка прыгатаваць — проста заліце змесціва пакета вадой. Пры гэтым вытворцы абяцаюць насычаны смак быццам ад кавы, заваранай у варонцы V60. Упакоўка аформленая ў пяшчотным ружовым колеры, а надпісы на ёй зроблены па-беларуску — так яшчэ прыемней!

Фота: oz.by

За набор з 10 пакетаў трэба будзе аддаць 31,42 рубля.

Фота: Fresh Juice Blender / Facebook

Бяздротавы блендэр для смузі — модны цяпер гаджэт. Гэтая маленькая прылада зробіць да 14 порцый напою за адну зарадку, і гэта можа быць не толькі смузі, але і кактэйль, свежавыціснуты сок і суп-пюрэ.

Такі блендэр вельмі зручна мыць: проста дадайце туды вады і кроплю вадкасці для мыцця посуду, а далей уключыце блендэр — і ён ачысціцца. Цана дэвайса — 157,5 рубля.

Фота: wildberries.ru

Калі хочаце зладзіць блізкаму чалавеку цікавы вечар, набудзьце для яго ці яе гэты букет з матылькоў (вядома, нежывых). Рэч у тым, што букет прадаецца ў выглядзе набора, таму яго яшчэ трэба сабраць — і мяркуючы па каментарах, забава можа зацягнуцца на некалькі гадзін.

Наборы ёсць у розных колерах: рамантычны чырвоны, пяшчотныя ружовы і фіялетавы, яркі сіні. У дадатак да дзясяткаў матылькоў, дроту і ўпакавальнай плёнкі вы атрымаеце яшчэ і гірлянду на батарэйках — так будзе яшчэ ярчэй. Цана набору залежыць ад колеру і пачынаецца ад 25 рублёў.

Фота: ozon.by

Кубак з падагрэвам — карысная рэч у змрочныя зімнія вечары. Так кава ці гарбата, якую п'е блізкі чалавек, даўжэй застанецца цёплай і захавае свой смак. 

На рынку багата варыянтаў такіх кубкаў, але нам падабаецца вось гэты набор глыбокага зялёнага колеру. Кошт — 29,2 рубля.

Фота: ozon.by

Час карысных падарункаў, асабліва для тых, хто любіць спяваць у душы. Цяпер гэта можна рабіць пад музыку — дапаможа адмысловая воданепранікальная калонка, якая чапляецца да любых паверхняў.

Дэвайс працуе без дроту і падлучаецца да смартфона праз Bluetooth. Такіх калонак на рынку багата, а тая, што на фота, каштуе 39,27 рубля.

Фота: wildberries.ru

Просты спосаб зняць стрэс — уключыць увечары дыфузар і зладзіць сабе хатнюю водаратэрапію. Гэтая прылада можа не толькі распыляць карысныя эфірныя алеі, а яшчэ і працаваць як увільгатняльнік паветра. І гэта карысная рэч у халодныя месяцы, калі з-за ацяплення паветра ў дамах больш сухое.

Можна падабраць розныя дыфузары ў залежнасці ад таго, ідзе гаворка пра малое ці вялікае памяшканне. Адзін з самых танных варыянтаў — вось такі дэвайс коштам усяго 19 рублёў, але не забудзьцеся набыць да яго эфірныя алеі.

Фота: present-simple.by

Модная, хоць і не танная з'ява — падпіска на падарункі. Калі яе аформіць і пазначыць адрас блізкага чалавека, з пэўнай перыядычнасцю яму будуць прыносіць свежыя букеты ці нешта іншае.

Знайсці падпіску на кветкі прасцей за ўсё: зазірніце сюды ці сюды, але падпіску дазваляюць рабіць і іншыя магазіны. Альтэрнатыва — падпіска на смачную гарбату.

Фота: ozon.by

Калі вы гатовыя патраціцца, можна прыдбаць у падарунак электронную кніжку. Гэта каштуе зусім не сімвалічна — падрыхтуйце ад 332 рублёў, столькі на сёння каштуе адзін з самых танных варыянтаў.

Электронная кніжка не выпраменьвае шкоднага блакітнага святла, таму чытаць з яе тэкст не шкодзіць здароўю, калі вы не злоўжываеце такім заняткам. І, вядома, адна электронная кніжка важыць менш, чым яе эквівалент з паперы. 

Фота: oz.by

Хто сказаў, што ў канструктар гуляюць толькі дзеці? Арыгінальны набор можа спадабацца і даросламу, і ў LEGO такіх багата. 

Звярніце ўвагу на такі варыянт букета з сотняў дэталяў — ён каштуе 320,52 рубля. Можна падабраць і больш бюджэтныя варыянты, але ад іншых кампаній.

Фота: ozon.by

Яшчэ адзін арыгінальны гаджэт — фатаапарат імгненнага друку (да яго трэба дакупіць фотапаперу). Вось такі дэвайс лавандавага колеру каштуе 486 рублёў, мае аўтаматычную экспазіцыю і рэжым сэлфі, які можна лёгка актываваць.

У водгуках адзначаюць, што фатаапарат мае зручны памер і форму, але якасць здымкі залежыць ад асвятлення. Прымяняць яго можна, да прыкладу, на вечарыне, каб адразу раздаваць здымкі ўсім гасцям.

«Наша Нiва» — бастыён беларушчыны

ПАДТРЫМАЦЬ

Чытайце таксама:

«Ён здрадзіў і прынёс мне інфекцыю, якая не лечыцца. Цяпер да канца жыцця піць таблеткі!» Беларусы расказалі, як перажылі здраду ў адносінах і як здраджвалі самі

«Называў мой раён вёскай. Такое я не дарую». Беларусы расказалі пра самыя крынжовыя расстанні ў сваім жыцці

Псіхолаг назвала рысы партнёра, небяспечныя для адносінаў

Каментары2

  • Абармот
    08.02.2024
    Смотрел на эти букеты из бабочек и думал, кто такое говно купить может. Очень хочу увидеть женщину, которая обрадуется этому трешовому пылесборнику
  • дочка Максима Дизайнера
    09.02.2024
    ды ладна бабачкі
    а тое во панавешаюць замкоў на масты, а камунальнікам іх потым зразай, каб не рушыліся масты...

Цяпер чытаюць

Што IT-бізнэс думае пра Ганну Рабаву, новую кіраўніцу Парка высокіх тэхналогій?2

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Усе навіны →
Усе навіны

Беларускі фермер раскладаў вогнішчы на полі, каб выратаваць клубніцы2

Выбары ў Польшчы: па выніках першых экзіт-полаў лідзіруе Рафал Тшаскоўскі — але на долі працэнта29

Зяленскі: У аперацыі «Павуцінне» былі выкарыстаны 117 дронаў7

Саліст расійскай групы «Руки вверх» адкрые ў Мінску свой бар13

У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі32

У Белым доме не ведалі пра падрыхтоўку Украінай спецаперацыі «Павуцінне»6

Каля расійскага аэрадрома, які не трапіў пад удар СБУ, згарэла фура4

Расійскае Мінабароны пракаментавала атаку СБУ па сваіх аэрадромах13

Сярод прапаноў Украіны на перамовах у Стамбуле — сустрэча Зяленскага з Пуціным2

больш чытаных навін
больш лайканых навін

Што IT-бізнэс думае пра Ганну Рабаву, новую кіраўніцу Парка высокіх тэхналогій?2

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Галоўнае
Усе навіны →

Заўвага:

 

 

 

 

Закрыць Паведаміць