Паводле інфармацыі медыкаў, у выніку страляніны ў адным з будынкаў Карлава ўніверсітэта ў Празе загінулі 11 чалавек (у тым ліку сам стралок), 30 атрымалі раненні.
«Стралок ліквідаваны! Цяпер увесь будынак эвакуіруецца, на месцы здарэння некалькі загінулых і дзясяткі параненых», — гаварылася ў паведамленні паліцыі.
Стралком, паводле наяўнай інфармацыі, быў студэнт-гісторык Давід Козак. Пасля таго, як на месца злачынства прыехалі дзясяткі паліцэйскіх машын, ён скончыў жыццё самагубствам.
Цяпер на месцы здарэння працуюць паліцыя, медыкі і пажарныя. Кіраўнік МУС Чэхіі Віт Ракушан заявіў, што злачынец, які ўчыніў стральбу ва ўніверсітэце, дзейнічаў у адзіночку.
«Прысутнасць другога стралка пацверджаная не была», — заявіў ён у эфіры канала ЧТ24.
Прэм'ер краіны Пётр Фіяла пасля таго, што адбылося, адмяніў сваю працоўную праграму ў горадзе Аламоўц і прыняў рашэнне вярнуцца ў сталіцу. Ён дадаў, што цяпер падтрымлівае кантакт з кіраўніком МУС і праваахоўнікамі.
Карлаў універсітэт — вядучая ВНУ Чэхіі. Акрамя таго, гэта найстарэйшы ўніверсітэт у Цэнтральнай і Усходняй Еўропе, яго заснаваў кароль Карл IV Люксембургскі ў 1348 годзе.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»20
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары