Паплечнікі расійскага апазіцыянера, які адбывае 19-гадовы тэрмін у калоніі строгага рэжыму ва Уладзімірскай вобласці, цягам шасці дзён не маглі атрымаць інфармацыю пра яго. У панядзелак у калоніі нарэшце заявілі, што зняволенага Навальнага ў іх больш няма, але дзе ён — не сказалі, піша Бі-бі-сі.
«Толькі што да адваката выйшлі з ПК-6 Мелехава і сказалі, што зняволены Навальны ў іх больш не лічыцца. Куды яго перавялі, казаць адмаўляюцца», — напісала ў сацсетцы Х (былы Twitter) прэс-сакратарка Аляксея Навальнага Кіра Ярмыш.
Паплечнік палітыка Іван Жданаў сцвярджае, што адвакаты Навальнага не знайшлі яго і ў ВК-7 — адзінай калоніі асобага рэжыму ва Уладзімірскай вобласці.
«Гэта значыць, ён можа быць дзе заўгодна. Што горш за ўсё — можа некалькі тыдняў быць на этапе», — дадаў іншы паплечнік апазіцыянера Леанід Волкаў.
Панядзелак стаў ужо шостым днём з тых часоў, як члены каманды Навальнага страцілі магчымасць атрымліваць інфармацыю пра тое, дзе ён і што з ім.
11 снежня апазіцыянера павінны былі падключыць па відэасувязі да пасяджэння суда па яго пазовах да калоніі, аднак гэтага зноў не адбылося. Са слоў паплечнікаў палітыка, у адміністрацыі калоніі сцвярджаюць, што з 7 снежня не могуць паправіць электрычнасць.
На жаль, у Беларусі адвакаты і родныя не ведаюць пра палітычных вязняў куды большы тэрмін. Пра Міколу Статкевіча нічога не вядома з лютага 2023 года, пра Віктара Бабарыку з канца красавіка, пра Сяргея Ціханоўскага з пачатку ліпеня. І гэта далёка не поўны спіс.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў56
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1818
Каментары
Idyiot © 🤦