«Ненасытнасць». Выдавецтва «Янушкевіч» выпускае культавы польскі раман
Выдавецтва «Янушкевіч» адкрыла перадзамову на культавы раман польскага мастака, пісьменніка і філосафа Станіслава Ігнацыя Віткевіча «Ненасытнасць» у перакладзе Алены Пятровіч. Абмежаваная прапанова на Knihauka.com дзейнічае толькі да 14 снежня.
«Высокаэстэцкая кніга ў цвёрдай вокладцы, на шведскай паперы Lux Cream і аб’ёмам 548 старонак за 34,90 злотых!» — апісвае выдавецтва прапанову.
«Ненасытнасць» (Nienasycenie) Станіслава Ігнацы Віткевіча (псеўданім — Віткацы) лічыцца найлепшым раманам аўтара.
Антыўтапічная фантазія, напісаная ў 20-я гады XX стагоддзя, апісвае працэс сталення галоўнага героя на фоне рэвалюцыйнага кітайскага ўварвання ў Еўропу і распаўсюджання новай веры. Сімвалам гэтай веры з’яўляецца таблетка, прыняцце якой дазваляе змяніць светапогляд, а таксама падавіць індывідуальнасць і знішчыць асобу як такую.
Кніга насычана эротыкай, філасофіяй, палітыкай і мастацтвам — праз пагружэнне ў іх персанажы імкнуцца спатоліць сваю прагу жыцця і заглушыць метафізічны жах існавання.
Цяпер чытаюць
Стала вядома пра арышт папулярнай мастачкі Аксаны Шаляпінай3
Каментары