«Народная грамада» патрабуе арганізаваць сустрэчу Міколы Статкевіча і яго жонкі Марыны Адамовіч
Пра асуджанага на 14 гадоў палітвязня няма навін ужо больш за дзевяць месяцаў.
Партыя «Народная грамада» на фоне чутак пра смерць свайго лідара, палітзняволенага Мікалая Статкевіча запатрабавала ад «адказных асоб у Беларусі неадкладна арганізаваць» для яго спатканне з жонкай Марынай Адамовіч.
На мінулым тыдні галоўная рэдактарка «Хартыі'97» Наталля Радзіна напісала пра магчымую смерць Міколы Статкевіча.
Партыя «Народная грамада» патрабуе адказных асобаў у Беларусі неадкладна арганізаваць спатканне Марыны Адамовіч і Міколы Статкевіча і абвергнуць альбо падцвердзіць інфармацыю, якая тычыцца палітыка Мікалая Статкевіча.
«Заклікаем беларусаў да правядзення акцый салідарнасці з палітвязнямі Беларусі каля будынкаў палітычных сілаў краіны знаходжання з мэтай перадачы закліку каманды Мікалая Статкевіча партыі «Народная грамада». Заклікаем міжнародную супольнасьць выступіць з патрабаваннем неадкладна ад адказных асобаў у Беларусі арганізацыі спаткання Марыны Адамовіч і Мікалая Статкевіча. Заклікаем СМІ адказна паставіцца да працы і дапамагчы давесці патрабаванні партыі Народная Грамада», — гаворыцца ў заяве партыі.
«Заклікаем праваабарончыя арганізацыі Беларусі праявіць салідарнасць, заклікаць да неабходнасці вызвалення ўсіх, хто незаконна ўтрымліваецца рэжымам і давесці рэальную сітуацыю аб пагрозе для людзей, якія знаходзяцца ў турмах», — адзначаецца ў звароце партыі.
Пра Міколу Статкевіча, які адбывае пакаранне ў Глыбоцкай калоніі, няма звестак ужо 290 дзён, з 9 лютага.
На жаль, яго выпадак не адзінкавы сярод палітвязняў.
«Міс Беларусь» усё больш нагадвае конкурс прыгажосці ў гарэме23
Каментары