Гайдукевіч прапанаваў, каб кандыдатаў у прэзідэнты маглі вылучаць толькі афіцыйныя партыі і грамадскія арганізацыі
Кіраўнік праўладнай Ліберальна-дэмакратычнай партыі і дэпутат Палаты прадстаўнікоў Алег Гайдукевіч падчас пасяджэння «штаба патрыятычных сіл Рэспублікі Беларусь» выказаў прапанову, як зрабіць так, каб у прэзідэнты ў Беларусі не маглі нават тэарэтычна балатавацца людзі, не зацверджаныя зверху.
Гайдукевіч, вядома, не супраць выбарчай канкурэнцыі, але яна «павінна быць здаровай, шчырай і накіраванай на карысць краіны, а не на шоу і папулізм». Адпаведна з гэтым і прапанова:
«На заканадаўчым узроўні мы вызначылі, што кандыдатам у прэзідэнты можа быць чалавек, які сабраў 100 тыс. подпісаў, але гэтага недастаткова. Акрамя гэтай колькасці подпісаў ён павінен быць вылучаны сістэмнай палітычнай сілай. Ёсць прафсаюзы, ёсць буйныя грамадскія аб'яднанні, ёсць палітычныя партыі».
На яго думку, гэтая дадатковая страхоўка дасць гарантыю, што ў выбарах будуць «удзельнічаць сістэмныя палітычныя сілы, а не пятая калона».
Брат беларускай каралевы прыгажосці трапіў у рэанімацыю ў Азербайджане1
Каментары