Ірландская спявачка і кампазітарка Шынэйд О'Конар памерла на 57-м годзе жыцця. Пра гэта ў сераду, 26 ліпеня, паведаміла выданне The Irish Times. Прычына смерці спявачкі не ўдакладняецца.
З 2018 года, калі яна прыняла іслам, О'Конар называла сябе Шухада Садакат.
Спявачка распавядала, што доўгі час змагалася з дэпрэсіяй і прызнавалася, што яе часта наведвалі думкі пра самагубства.
Паўтара года таму, у студзені 2022-га, яна перажыла сямейную трагедыю: яе 17-гадовы сын Шон скончыў жыццё самагубствам.
Акрамя яго, у О'Конар засталося трое дзяцей.
Сусветна вядомая дублінская выканаўца выпусціла 10 студыйных альбомаў, а яе песня Nothing Compares 2 U была названая сінглам нумар адзін у свеце ў 1990 годзе па версіі Billboard Music Awards.
Прэм'ер-міністр Ірландыі Леа Варадкар выказаў спачуванні сям'і спявачцы, сказаўшы, што яе талент быў непераўзыдзеным і непараўнальным.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве43
Каментары