Генеральны сакратар NATO Енс Столтэнберг пацвердзіў удзел прэзідэнта Уладзіміра Зяленскага ў саміце Альянсу ў Вільні. Пра гэта ён сказаў на прэс-канферэнцыі з прэзідэнтам Літвы Гітанасам Наўседам у Вільні, піша «Еўрапейская праўда».
Столтэнберг заявіў, што гэты саміт павінен наблізіць Украіну да NATO.
«Мы абновім нашы палітычныя сувязі. Прэзідэнт Зяленскі далучыцца да нас на інаўгурацыйным пасяджэнні Рады Украіна — NATO», — заявіў ён.
Раней у інтэрв'ю «Еўрапейскай праўдзе» віцэ-прэм'ер Вольга Стэфанішына заявіла, што пакуль няма фінальнага рашэння адносна ўдзелу Уладзіміра Зяленскага ў Віленскім саміце NATO 11-12 ліпеня.
7 ліпеня Енс Столтэнберг таксама абвясціў, што Зяленскі возьме ўдзел у саміце NATO ў Вільні ў рамках пачатку новага фармату ўзаемадзеяння Украіны з Альянсам. Столтэнберг не ўдакладніў тады фармату ўдзелу прэзідэнта ў пасяджэнні.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары