Анамаліі на мяжы. Чэргі з грузавікоў на выезд з Беларусі амаль зніклі, а на ўезд — не
Чэргі з легкавікоў назіраюцца амаль на ўсіх пунктах пропуску Беларусі і ЕС. Сітуацыя з надыходам лета не змяняецца. Чаго не скажаш пра грузавы кірунак.
Па стане на 18 гадзін 12 чэрвеня ў чарзе на выезд з Беларусі стаіць больш за 570 легкавікоў і каля 190 грузавікоў.
Невялікія заторы назіраюцца толькі на частцы пунктаў пропуску на мяжы з Літвой. Больш за 110 велікагрузаў чакае на выезд у «Каменным Лозе», больш за 40 — у «Катлоўцы» і «Беняконях». На «Прывалцы» чэргаў на грузавым кірунку няма. У Латвіі таксама. Няма чаргі на выезд і ў адзіным, які працуе, пункце пропуску «Казловічы» на мяжы з Польшчай.
Перавозчыкі адзначаюць, што чэргі на мяжы значна паменшалі ад пачатку лета, калі з 1 чэрвеня Польшча закрыла мяжу для прычэпаў на беларускіх і расійскіх нумарах. Забарона стала асноўнай прычынай, чаму чэргі ў пункце пропуску «Казловічы» пачалі мець перыядычны характар, а не пастаянны, як гэта было раней.
Пры гэтым у літоўскіх і латвійскіх перавозчыкаў застаецца магчымасць уязджаць з прычэпамі на расійскай і беларускай рэгістрацыі праз пункты пропуску на беларуска-літоўскай і беларуска-латвійскай мяжы.
А вось чэргі з грузавікоў, якія едуць з Еўропы ў Беларусь праз Літву, растуць.
Так, па стане на ранак панядзелка ў чарзе на выезд з Літвы ў Беларусь сабралася каля 1700 фур, што амаль у дзесяць разоў больш, чым у зваротным кірунку. Тры дні таму выезду з Літвы ў Беларусь чакала 1400 велікагрузаў. Найбольш загружаным застаецца пункт пропуску «Меднікі — Каменны Лог», там утварылася чарга з 660 грузавікоў.
Заторы на літоўска-беларускай мяжы перавозчыкі і лагісты звязваюць з тым, што, апроч увядзення новых абмежаванняў Польшчай з 1 чэрвеня, з 5 чэрвеня літоўская мытня зрабіла больш строгім кантроль за вывазам падсанкцыйных тавараў у трэція краіны.
Страхоўкі для ўезду ў ЕС істотна падаражэлі, а набыць іх па-ранейшаму складана. Новыя цэны і нюансы
«Пачыналі зімой, а трапілі ў візавы цэнтр толькі ў маі». Дзе танней атрымаць візу ў Еўропу?
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе28
Каментары