Anamalii na miažy. Čerhi z hruzavikoŭ na vyjezd ź Biełarusi amal źnikli, a na ŭjezd — nie
Čerhi ź lehkavikoŭ nazirajucca amal na ŭsich punktach propusku Biełarusi i ES. Situacyja z nadychodam leta nie źmianiajecca. Čaho nie skažaš pra hruzavy kirunak.
Pa stanie na 18 hadzin 12 červienia ŭ čarzie na vyjezd ź Biełarusi staić bolš za 570 lehkavikoŭ i kala 190 hruzavikoŭ.
Nievialikija zatory nazirajucca tolki na častcy punktaŭ propusku na miažy ź Litvoj. Bolš za 110 vielikahruzaŭ čakaje na vyjezd u «Kamiennym Łozie», bolš za 40 — u «Katłoŭcy» i «Bieniakoniach». Na «Pryvałcy» čerhaŭ na hruzavym kirunku niama. U Łatvii taksama. Niama čarhi na vyjezd i ŭ adzinym, jaki pracuje, punkcie propusku «Kazłovičy» na miažy z Polščaj.
Pieravozčyki adznačajuć, što čerhi na miažy značna pamienšali ad pačatku leta, kali z 1 červienia Polšča zakryła miažu dla pryčepaŭ na biełaruskich i rasijskich numarach. Zabarona stała asnoŭnaj pryčynaj, čamu čerhi ŭ punkcie propusku «Kazłovičy» pačali mieć pieryjadyčny charaktar, a nie pastajanny, jak heta było raniej.
Pry hetym u litoŭskich i łatvijskich pieravozčykaŭ zastajecca mahčymaść ujazdžać z pryčepami na rasijskaj i biełaruskaj rehistracyi praz punkty propusku na biełaruska-litoŭskaj i biełaruska-łatvijskaj miažy.
A voś čerhi z hruzavikoŭ, jakija jeduć ź Jeŭropy ŭ Biełaruś praź Litvu, rastuć.
Tak, pa stanie na ranak paniadziełka ŭ čarzie na vyjezd ź Litvy ŭ Biełaruś sabrałasia kala 1700 fur, što amal u dziesiać razoŭ bolš, čym u zvarotnym kirunku. Try dni tamu vyjezdu ź Litvy ŭ Biełaruś čakała 1400 vielikahruzaŭ. Najbolš zahružanym zastajecca punkt propusku «Miedniki — Kamienny Łoh», tam utvaryłasia čarha z 660 hruzavikoŭ.
Zatory na litoŭska-biełaruskaj miažy pieravozčyki i łahisty źviazvajuć z tym, što, aproč uviadzieńnia novych abmiežavańniaŭ Polščaj z 1 červienia, z 5 červienia litoŭskaja mytnia zrabiła bolš strohim kantrol za vyvazam padsankcyjnych tavaraŭ u trecija krainy.
Strachoŭki dla ŭjezdu ŭ ES istotna padaraželi, a nabyć ich pa-raniejšamu składana. Novyja ceny i niuansy
«Pačynali zimoj, a trapili ŭ vizavy centr tolki ŭ mai». Dzie tańniej atrymać vizu ŭ Jeŭropu?
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary