У Зімбабвэ дзівяцца, што іхні прэзідэнт сарваўся ў госці да Лукашэнкі зусім раптоўна. Перад тым ён наведаў сховішча з золатам
У Зімбабвэ актыўна абмяркоўваюць нечаканы візіт прэзідэнта краіны Эмерсана Мнангагвы ў Беларусь, заўважыла ў мясцовай прэсе выданне Reform.news. Ён вылецеў з Харарэ ноччу 14 мая без урачыстасцяў, якія звычайна суправаджаюць паездкі кіраўніка дзяржавы. Таксама ён не прыйшоў на развітальную вячэру ў гонар старшыні Вярхоўнага суда, што яшчэ больш прыцягнула ўвагу.
Паводле інфармацыі мясцовых медыя, улады не сталі падрабязна тлумачыць мэту паездкі. Адзін з чыноўнікаў толькі паведаміў, што Мнангагва ўжо раней лётаў у Беларусь у падобным фармаце — таемна і без афіцыйнай публічнасці.
Паездка адбываецца ў час, калі ў парламенце Зімбабвэ рыхтуюцца абмяркоўваць змяненні ў Канстытуцыю. Яны могуць падоўжыць знаходжанне Мнангагвы пры ўладзе да 2030 года і адмяніць прамыя выбары прэзідэнта.
Пасля адлёту ў сацсетках з’явіліся чуткі, што прэзідэнт нібыта вывез з краіны залатыя зліткі. Гэтыя размовы ўзніклі пасля яго нядаўняга наведвання рэзервовага банка і золатасховішча.
Іншыя карыстальнікі меркавалі, што ў 83‑гадовага Мнангагвы маглі быць праблемы са здароўем.
Афіцыйнага пацвярджэння ўсім гэтым чуткам няма. Вядома толькі, што ў Мінску ўжо прайшла сустрэча Мнангагвы з Аляксандрам Лукашэнкам.
Цяпер чытаюць
«Кайлас, я іду». Што за беларуска знікла ў жудасным селі ў Непале9
Каментары
труженник моря.Вядома толькі, што ў Мінску ўжо прайшла сустрэча Мнангагвы з Аляксандрам Лукашэнкам.