«Такога ў беларускай інфапрасторы яшчэ не было». У Сяргея Чалага будзе новы праект
Пакуль трымаецца інтрыга.
Кіраўнік Беларускага расследавальніцкага цэнтра Станіслаў Івашкевіч у інтэрв'ю БАЖ расказваў пра навіны з Сяргеем Чалым, якія цяпер выходзяць на ютуб.
«Першапачаткова праграма задумвалася як агляд тыднёвых навінаў, але ў працэсе Сяргей Чалы перафарматаваў праект і паказаў сябе на вышыні ў розных жанрах. У прыватнасці, розгалас атрымала яго расследаванне пра «Ганну Сялук». Лічу, што гэта выразна бачная ніша, якая не была раней занятая. Праект атрымаўся паспяховым.
Аднак магу праанансаваць, што гэты фармат нядоўга застанецца на канале БРЦ. Сяргей Чалы мае задумку, якая будзе прэзентаваная ўлетку».
Ці будзе гэта праект у рамках расследавальніцкага цэнтра, Івашкевіч не агучыў.
«Пакуль нічога сказаць не магу. Дадам толькі, што гэта будзе тое, чаго ў беларускай інфапрасторы яшчэ не было. Мяркую, усе будзем прыемна здзіўленыя», — праанансаваў ён.
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк44
Каментары