«Забярыце сваіх людзей з Украіны, Крэмль ужо прайграў» — Рэзнікаў звярнуўся па-башкірску да башкіраў
Міністр абароны Украіны Аляксей Рэзнікаў звярнуўся да башкіраў з заклікам не ўдзельнічаць у вайне супраць Украіны, бо менавіта Башкартастан з'яўляецца адным з лідараў у стратах РФ на ўкраінскай зямлі.
Міністр патлумачыў свой зварот тым, што калі праходзіў службу ў арміі, то адным з яго найлепшых таварышаў быў башкір, і тым, што цяпер «тысячы мужчын з Башкірыі загінулі або сталі калекамі» на вайне супраць Украіны.
Па словах міністра, сённяшняя ўлада Уфы, «клапочучыся пра асабістую выгаду і працуючы ў інтарэсах Крамля, навыперадкі адпраўляе сваіх людзей на смерць».
«Забярыце сваіх людзей з Украіны. Аддайце нам ваенных злачынцаў. І тады мы станем саюзнікамі ў справе пабудовы лепшай будучыні для нашых народаў. Крэмль ужо прайграў гэтую вайну. Сумесна мы прымусім яго адмовіцца ад імперскіх амбіцый. Чым раней гэта адбудзецца — тым больш жыццяў атрымаецца выратаваць. І тым раней атрымаецца стаць на шлях стварэння».
Частку звароту Рэзнікаў напісаў на башкірскай мове.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам30
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары