На тэрыторыю Белгародскай вобласці зайшлі дыверсанты УСУ — губернатар вобласці
Губернатар Белгародскай вобласці Вячаслаў Гладкоў напісаў у тэлеграм-канале, што на тэрыторыю Белгародскай вобласці зайшлі дыверсанты УСУ. Раней легіён «Свабода Расіі» і Рускі добраахвотніцкі корпус заявілі, што «вызвалілі» населены пункт Казінка Белгародскай вобласці.
«На тэрыторыю Грайваронскай акругі зайшла дыверсійна-разведвальная група УСУ. Узброеныя сілы РФ разам з пагранслужбай, Расгвардыяй і ФСБ прымаюць неабходныя меры па ліквідацыі праціўніка. Падрабязнасці буду паведамляць», — напісаў Гладкоў у тэлеграм-канале.
Паводле яго, у часе абстрэлу вёскі Глотава ў Грайваронскім раёне Белгародскай вобласці пацярпелі мужчына і жанчына: жанчына знаходзіцца ў рэанімацыі, яе стан ацэньваецца як цяжкі, мужчына атрымаў раненні сярэдняй цяжкасці.
Раней легіён «Свабода Расіі» і Рускі добраахвотніцкі корпус заявілі, што «вызвалілі» населены пункт Казінка Белгародскай вобласці. Таксама паведамлялася пра ўваход «перадавых атрадаў» у горад Грайваран.
Расійскі паблік SHOT паведамляў пра нібыта «жорсткі бой з украінскай ДРГ» на мяжы Белгародскай вобласці каля вёскі Дронаўка. «З абодвух бакоў прыцягнута вайсковая тэхніка, у небе заўважана некалькі дронаў. Працуе СПА», — пісаў канал.
Але тыя паведамленні ўлады назвалі фэйкамі і інфармацыйнай атакай.
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары